CAA વિરુદ્ધ જાફરાબાદમાં મહિલાઓનું પ્રદર્શન, મેટ્રો સ્ટેશન બંધ કરાયું

નવી દિલ્હી: પૂર્વ દિલ્હીના જાફરાબાદમાં રવિવારે એકવાર ફરીથી નાગરિકતા કાયદા અને એનઆરસી વિરુદ્ધ પ્રદર્શન શરૂ થઈ ગયું. જાફરાબાદ મેટ્રો સ્ટેશન પાસે મોટી સંખ્યામાં મહિલાઓ પ્રદર્શન માટે ભેગી થઈ છે. પ્રદર્શનના કારણે મેટ્રો સ્ટેશનને બંધ કરવામાં આવ્યું છે. એવું કહેવાય છે કે મહિલાઓ મોડી રાતથી ધરણા પર બેઠી છે. 

દિલ્હી મેટ્રો રેલ કોર્પોરેશને ટ્વીટ કરીને જાણકારી આપી છે કે સુરક્ષાની દ્રષ્ટિએ જાફરાબાદ મેટ્રો સ્ટેશન બંધ કરવામાં આવ્યું છે. આ સ્ટેશન પર મેટ્રો થોભશે નહીં. શાહીનબાગની જેમ જ અહીં મહિલાઓ પ્રદર્શન કરી રહી છે.