ઓર્ડર લેવાની ના પાડી તો Zomato ડિલિવરી બોયને આવ્યો ગુસ્સો, યુવતીને મોઢા પર માર્યો ઢીકો, જુઓ Video

નવી દિલ્હીઃ સોશિયલ મીડિયા પર એક ચોંકાવનારો વીડિયો સામે આવ્યો છે. બુધવારે 10 માર્ચે શેર કરવામાં આવેલા આ વીડિયોમાં બેંગલુરૂની બ્યૂટી ઇંફ્લૂએન્સર હિતેશા ચંદ્રાણીએ ઝોમેટો ડિલિવરી બોય પર ફિઝિકલી અબ્યૂઝ કરવાનો આરોપ લગાવ્યો છે. વીડિયોમાં હિતેશા સતત રોઈ રહી છે અને તેના નાકમાંથી લોહી નિકળી રહ્યું છે. 

વીડિયો શેર કરી જણાવી કહાની
હિતેશા આ વીડિયોમાં ઘટના વિશે જણાવી રહી છે કે કઈ રીતે ઝોમેટો ડિલિવરી બોયે તેના પર હુમલો કર્યો. હિતેશાએ આ વીડિયો ઇન્સ્ટાગ્રામ પર અપલોડ કર્યો છે અને કલાકોમાં લાખો વ્યૂ મળી ચુક્યા છે. 

હિતેશા ચંદ્રાણી પ્રમાણે આ બધુ એક ફૂડ ઓર્ડરથી શરૂ થયું. કારણ કે તેનો ઝોમેટો ઓર્ડર મોડો પહોંચ્યો હતો, તો તેણે ઝોમેટોને કહ્યું કે, તે આ ઓર્ડરને રદ્દ કરે કે પછી તેને કોમ્પ્લીમેન્ટ્રી આપે.