એકવાર દહીં તડકા ખાશો તો બીજું બધુ ભૂલી જશો! આ રીતે ઘરે બનાવો આ ચટાકેદાર રેસીપી

ઝી બ્યૂરો, અમદાવાદ : દહીમાં રહેલા બેક્ટેરિયા તમારા સ્વાસ્થ્યને ઘણો ફાયદો પહોંચાડે છે અને તેનાથી બનેલી કોઈપણ ડિશ તમે બહુ લિજ્જતથી ખાઓ છો. કેમ કે તેની ખટાશ તે ડિશના સ્વાદને વધારે ટેસ્ટી બનાવે છે.

દહીં તડકા: અનેક એવી ડિશ છે જે ભારતીય ઘરમાં અવારનવાર બનાવવામાં આવે છે. અને લોકો તેને બહુ હોંશે હોંશે આરોગતા હોય છે. ખાસ કરીને દહીં એક એવી વસ્તુ છે જેનો ઉપયોગ દરેક ઘરમાં ઉપયોગમાં લેવામાં આવે છે. દહીં વિના અનેક એવી ડિશ છે જેનું બનવાનું લગભગ અશક્ય હોય છે. દહીંને લોકો એમ પણ ખાંડ કે મીઠાની સાથે ખાવાનું પસંદ કરે છે. દહીમાં રહેલા બેક્ટેરિયા તમારા સ્વાસ્થ્યને ઘણો ફાયદો પહોંચાડે છે. જેના કારણે દરરોજ તેના ઉપયોગની સલાહ આપવામાં આવે છે. દહીંમાંથી બનાવેલી આવી જ એક ડિશ અમે તમને અહીંયા બતાવવા જઈ રહ્યા છીએ.

દહીં તડકાની રેસિપી:

3 કપ દહીં

2 કઢીના પત્તા

1/4 નાની ચમચી જીરું

1 ચમચી લાલ મરચાંનો પાઉડર

1 ચમચી જીરાનો પાઉડર

જરૂરિયાત પ્રમાણે કાળું મીઠું

2 મોટી ચમચી વનસ્પતિ તેલ

1/2 ચમચી હીંગ

1 નાની ચમચી સરસવના દાણા

4 લવિંગ-લસણ

1/2 નાની ચમચી ધાણાનો પાઉડર

દહીં તડકા કેવી રીતે બને છે:

સ્ટેપ-1

એક મોટા બાઉલમાં દહીં લો. સ્વાદ પ્રમાણે કાળું મીઠું ઉમેરો અને સારી રીતે મિક્સ કરો. હવે જીરા પાઉડર નાંખો અને સારી રીતે મિક્સ કરો.

સ્ટેપ-2

એક બાઉલમાં તેલ ગરમ કરો. હવે તેમાં હીંગ, જીરું, રાઈ, કઢી પત્તા નાંખો અને એક મિનિટ માટે ગરમ થવા દો. તેમાં કાપેલા લસણની કણી નાંખો. લાલ મરચાંનો પાઉડર, ધાણાનો પાઉડર અને મસાલાને બે મિનિટ સુધી મિક્સ કરો.

સ્ટેપ-3

તડકાને મિક્સ કરેલા દહીંમાં નાંખો. હળવું મિક્સ કરી દો અને પીરસો. કઢી કે શાકભાજીની સાથે પીરસો અને આનંદ લો.

ટિપ્સ:

જો તમને મસાલા પસંદ છે તો તડકામાં માત્ર સૂકું મરચું કે કાપેલું લીલું મરચું નાંખો.

દહીંમાં તાજગી લેવા માટે કેટલાંક ફૂદીનાના પત્તાને તોડીને તડકાની સાથે મિક્સ કરો.