ધીમી ધારના વરસાદમાં Girlfriend સાથે ફરવા જવાની છે બેસ્ટ જગ્યા, ફરવાનું નવું સરનામું

Gujarat Tourism: હવે ચોમાસું આવતાં જ ગુજરાતમાં લોકો ફરવા નીકળશે. ચોમાસા બાદ ગુજરાતમાં અનેક ફરવાના સ્થળો છે. આખી દુનિયામાં ગુજરાતીઓ જેવા ફરવાના શોખીનો ક્યાંય નહિ મળે. ગુજરાતીઓના દરેક સીઝન માટેના અલગ અલગ ડેસ્ટિનેશન હોય છે. સાથે જ ગુજરાતીઓ નવી નવી જગ્યાઓ એક્સપ્લોર કરવામાં માને છે. તેઓ સતત નવી જગ્યાની શોધમાં હોય છે. આવામાં એક નવું સરનામુ સામે આવ્યું છે. આ જગ્યા કુદરતી જાદુથી ભરેલી છે. દરેક મોસમમાં અહીનો નજારો મનમોહક હોય છે. પાટણવાવ ખાતેનો ઓસમ ડુંગર છે આકર્ષણનું કેન્દ્ર, રજાઓ ગાળવા માટે બેસ્ટ જગ્યાઓમાંથી એક છે.

કહેવાય છે કે, ભીમ સાથે હિડમ્બાની મુલાકાત અહીં જ થઇ હતી. બંનેના પ્રેમ-મિલાપ વેળાએ ભીમે હિડિમ્બાને જોરથી હિચકો નાંખતા, એવામાં એકવાર હિડિમ્બા ઓસમ પર્વત પરથી છેક નીચે તળેટીમાં ઉછળીને પડી હતી. તળેટીમાં પડતા તેના હાડકા ભાંગી ગયેલા અને તેથી જ આ જગ્યા પર આવેલા ગામનું નામ હાડફોડી પડેલું, જે ગામ આજે પણ તળેટીમાં રહેલું છે.