હોળી પર જો કન્ફર્મ ટિકીટ ન મળે તો આ વિકલ્પનો ઉપયોગ કરો, ACથી લઈને સ્લીપરમાં પણ ફટાફટ બુકિંગ થશે

Confirmed Ticket Hacks: તહેવારોની સિઝનમાં ફરી એકવાર મોટી સંખ્યામાં લોકો તેમના ઘર તરફ પ્રયાણ કરશે. આ દરમિયાન ટ્રાન્સપોર્ટ સેક્ટરને સૌથી વધારે ભારણ સહન કરવું પડશે. સામાન્ય માણસ ટ્રેનમાં મુસાફરી કરીને પોતાના ગામ, શહેરમાં પરત ફરે છે પરંતુ ટ્રેનોમાં સૌથી મોટી સમસ્યા તેની સામે સીટ અને કન્ફર્મ ટિકિટની છે. ભારે ભીડ અને સર્વર ડાઉન હોવાને કારણે તેમને અનેક મુશ્કેલી સાથે મુસાફરી કરવાની ફરજ પડે છે અથવા સીટો મેળવવા માટે મોટી રકમનો ખર્ચ કરવો પડે છે. આવી સ્થિતિમાં અમે તમને જણાવી રહ્યા છીએ કે તમે કેવી રીતે સરળતાથી ટ્રેનમાં તમારી ટિકિટ કન્ફર્મ કરી શકો છો અને સુરક્ષિત, સુવિધાજનક મુસાફરીનો આનંદ માણી શકો છો.

આ પણ વાંચો:

ટિકિટ કન્ફર્મેશન માટે આ પદ્ધતિને અનુસરો: 
તમે આ સમસ્યાને દૂર કરવા માટે 'વિકલ્પ' નો ઉપયોગ કરી શકો છો. વિકલ્પ સ્કીમ એ ભારતીય રેલ્વેમાં મુસાફરી કરતા મુસાફરોની સુવિધા માટે રજૂ કરાયેલી એક યોજના છે. જેના દ્વારા મુસાફરો વેઇટલિસ્ટ ટિકિટ ઓનલાઈન બુક કરતી વખતે કન્ફર્મ ટિકિટ મેળવવા માટે અન્ય ટ્રેનની પસંદગી કરી શકે છે. આ યોજનાને ઓલ્ટરનેટ ટ્રેન આવાસ યોજના (ATAS) તરીકે પણ ઓળખવામાં આવે છે.

ટ્રેન ટિકિટ બુકિંગ વિકલ્પ કેવી રીતે પસંદ કરવો:

- ટિકિટ બુક કરતી વખતે તમે સમયની ટિકિટ મળી શકે છે નહીં તેને ચકાસી શકો છો.
- જ્યારે તમે જોશો કે ટ્રેનમાં સીટ ઉપલબ્ધ નથી અથવા તે વેઈટીંગમાં દેખાઈ રહી છે.
- ઓનલાઈન ટ્રેન ટિકિટ બુક કરતી વખતે irctc વિકલ્પ પસંદ કરો.
- તમારી બુક કરેલી ટ્રેન સિવાય, તમે સમાન રૂટની અન્ય સાત ટ્રેન પસંદ કરી શકો છો.
- જો ટિકિટ બુકિંગ દરમિયાન વિકલ્પનો વિકલ્પ ન દેખાય.
-  તમે બુક કરેલી ટિકિટ હિસ્ટ્રીમાં પણ જઈ વૈકલ્પિક ટિકિટ પસંદ કરી શકો છો.
- વિકલ્પ પસંદ કર્યા પછી, 'સબમિટ' બટન પર ક્લિક કરો.
- તમારો 'વિકલ્પ' વિકલ્પ એક્ટિવ થઈ જશે.