અક્ષય કુમાર કે સલમાન ખાન નહીં પરંતુ આ એક્ટરે ચૂકવ્યો છે સૌથી વધુ ટેક્સ, નામ જાણીને ઉડી જશે હોશ

જો તમે વિચારી રહ્યા છો કે દેશમાં સૌથી વધુ ટેક્સ ભરનાર અક્ષય કુમાર અથવા સલમાન ખાન છે, તો તમે ખોટા છો. કારણ કે હવે આંકડા અને સમય બદલાઈ ગયો છે. આ વર્ષે સરકારી તિજોરીમાં સૌથી વધુ ટેક્સ ભરનાર અભિનેતા શાહરૂખ ખાન છે. જેમણે ગયા વર્ષે બોક્સ ઓફિસ પર કમબેક કર્યું હતું.

ફોર્ચ્યુન ઈન્ડિયાના રિપોર્ટ અનુસાર નાણાકીય વર્ષ 2023-2024માં સૌથી વધુ ટેક્સ ચૂકવનારાઓની યાદીમાં શાહરૂખ ખાન ટોપ પર હતો. જેમણે રૂ.92 કરોડનો ટેક્સ ભર્યો હતો. આ પછી બીજું નામ દક્ષિણનું છે. જો તમે પ્રભાસ કે અલ્લુ અર્જુન વિશે વિચારી રહ્યા છો તો તમે બિલકુલ ખોટા છો.

સાઉથમાં સૌથી વધુ ટેક્સ ચૂકવનાર ફિલ્મ સ્ટારનું નામ છે વિજય થાલાપતિ. જેમણે 2023-2024માં 80 કરોડ રૂપિયાનો ટેક્સ ચૂકવ્યો હતો અને તે આ યાદીમાં બીજા નંબર પર હતો. આ પછી આવે છે સલમાન ખાન જેમણે 75 કરોડ રૂપિયા ટેક્સ ચૂકવ્યો છે અને પછી આવે છે અમિતાભ બચ્ચન જેમણે સરકારને 71 કરોડ રૂપિયા ટેક્સ તરીકે આપ્યા.

શાહરૂખ ખાને વર્ષ 2023માં ધૂમ મચાવી દીધી હતી. પઠાણ પ્રથમ જાન્યુઆરી 2023માં રિલીઝ થઈ હતી. પઠાણ ફિલ્મે બોક્સ ઓફિસ પર વિશ્વભરમાં 1000 કરોડ રૂપિયાનું કલેક્શન કર્યું હતું અને પછી જવાન આવી હતી. જવાન ફિલ્મે 1150 કરોડ રૂપિયાની કમાણી કરી હતી. પછી વર્ષના અંતે ડંકી રિલીઝ થઈ જેણે લગભગ 400 કરોડ રૂપિયા એકઠા કર્યા હતા.

આ દિવસોમાં બ્લોકબસ્ટર ફિલ્મોના પ્રોફિટ શેર અને કમાણીએ પણ શાહરૂખ ખાનને સૌથી વધુ કમાણી કરનાર અભિનેતા બનાવી દીધો છે. જેમણે ભારે નફો કર્યો હતો. હવે શાહરુખ ખાનની નેટવર્થ પર આવીએ. 2024 હુરુન ઈન્ડિયા રિચ લિસ્ટ અનુસાર તેમની કુલ સંપત્તિ 7300 કરોડ રૂપિયા છે અને તેઓ દેશના સૌથી ધનિક લોકોમાંના એક છે.