MEGA BUDGET FILM: મલ્ટીપ્લેક્સમાં ફરી મચશે ધૂમ, કરોડો રૂપિયાના બજેટમાં તૈયાર થઈ રહી છે આદિત્ય ચોપડાની 5 ફિલ્મ

અક્ષયકુમાર અને માનુષી છિલ્લર સ્ટારર 'પૃથ્વીરાજ'  રિલીઝ માટે તૈયાર છે. આ ફિલ્મ રાજસ્થાનના શૂરવીર યોદ્ધા પૃથ્વીરાજ ચૌહાણ પર છે. અક્ષય કુમાર પૃથ્વીરાજ ચૌહાણના પાત્રમાં જોવા મળશે. ફિલ્મને આદિત્ય ચોપરાએ ખૂબ મોટા સ્તર પર શૂટ કરી છે.

રણબીર કપૂર અને વાણી કપૂર સ્ટારર શમશેરા પણ બનીને તૈયાર છે. આ એક પિરીયડ ડ્રામા મૂવી છે. આ ફિલ્મમાં સંજય દત્ત ખલનાયકની ભૂમિકામાં જોવા મળશે.

શાહરૂખ ખાન, દીપિકા પાદુકોણ અને જહોન અબ્રાહમ સ્ટારર પઠાણનું શુટિંગ થોડા દિવસ પહેલા શરૂ થયું છે. આ એકશન ફિલ્મનું શુટિંગ જુદા જુદા દેશોમાં હશે. પઠાણમાં શાહરૂખ ખાન જાસૂસની ભૂમિકામાં જોવા મળશે

બોલિવૂડના સિંઘમ અજય દેવગન પણ યશરાજની ફિલ્મમાં જોવા મળશે.  અજય દેવગને સુપરહિરો પર બનનારી ફિલ્મ સાઈન કરીને આદિત્ય ચોપડા સાથે દોસ્તીનો હાથ લંબાવ્યો છે. કહેવાય છે કે આ ફિલ્મમાં અજય દેવગન ખલનાયકની ભૂમિકામાં જોવા મળશે. ફિલ્મમાં અહાન પાંડે બોલિવૂડમાં ડેબ્યૂ કરશે.

સલમાન ખાનની સુપરહિટ સિરીઝ ટાઈગર-3 પણ બિગ બજેટ ફિલ્મ રહેશે. ટાઈગર-3 માટે સેટ તૈયાર કરવામાં આવ્યો છે. તાઉતે વાવાઝોડાના કારણે સેટને નુકસાન થયુ હતું. ફરી સલમાન-કેટરિનાની સુપરહિટ જોડી જોવા મળશે.