દિલ્લી સહિત દેશના આ 9 શહેરોમાં પ્રસરેલી છે ઝેરી હવા! તમે પણ અહીં તો નથી રહેતા ને?

સેન્ટર ફોર રિસર્ચ ઓન એનર્જી એન્ડ ક્લીન એર (સીઆરઇએ) દ્વારા કરવામાં આવેલા વિશ્લેષણ મુજબ, ઓક્ટોબરમાં દિલ્હી દેશનું સૌથી પ્રદૂષિત શહેર હતું, જ્યાં સરેરાશ PM2.5 સાંદ્રતા 111 માઇક્રોગ્રામ પ્રતિ ઘન મીટર હતી.

દિલ્હી બાદ ગાઝિયાબાદ 110માં અને મુઝફ્ફરનગર 103માં ક્રમે છે. CREA દ્વારા દેશના 263 શહેરો પર નજર રાખવામાં આવી હતી.

સેન્ટર ફોર રિસર્ચ ઓન એનર્જી એન્ડ ક્લીન એર (CREA) અનુસાર, ઓક્ટોબરમાં ભારતના ટોચના 10 સૌથી પ્રદૂષિત શહેરો દિલ્હી-રાષ્ટ્રીય રાજધાની ક્ષેત્રના હતા.

વિશ્લેષણ અનુસાર, ગાઝિયાબાદ, મુઝફ્ફરનગર, હાપુડ, નોઈડા, મેરઠ, ચરખી દાદરી, ગ્રેટર નોઈડા, ગુડગાંવ અને બહાદુરગઢ સૌથી વધુ પ્રદૂષિત શહેરો છે. આ તમામ શહેરો એનસીઆરના છે.

સેન્ટર ફોર રિસર્ચ ઓન એનર્જી એન્ડ ક્લીન એર (CREA)એ જણાવ્યું હતું કે, '15 ઓક્ટોબરથી ગ્રેડેડ રિસ્પોન્સ એક્શન પ્લાન (GRAP) લાગુ કરવામાં આવ્યો હોવા છતાં આ ખતરનાક રેન્કિંગ યથાવત છે.'

CREA એ કહ્યું, 'દિલ્હી સિવાય, અન્ય તમામ મેટ્રો જેમ કે ચેન્નઈ, મુંબઈ, કોલકાતા અને બેંગલુરુ ઓક્ટોબરમાં રાષ્ટ્રીય ધોરણથી નીચે PM2.5 મૂલ્યો જાળવી રાખવામાં સફળ રહ્યા.'

CREAએ જણાવ્યું હતું કે આ વર્ષે પ્રથમ વખત, ઉત્તર પ્રદેશ ભારતના ટોચના 10 સૌથી પ્રદૂષિત શહેરોની યાદીમાં ટોચ પર છે, જેમાં રાજ્યના છ શહેરો યાદીમાં સામેલ છે. તે પછી હરિયાણાના ત્રણ શહેર છે.