5 સ્ટાર હોટેલ જેવું `આયુર્વેદિક કોવિડ કેર સેન્ટર` રાજકોટમાં તૈયાર, જુઓ તસવીરો
રાજકોટમાં હવે કોરોનાની સારવાર આયુર્વેદિક પદ્ધતિથી પણ કરવામાં આવશે. આ માટે 5 સ્ટાર હોટેલને ટક્કર મારે તેવું આયુર્વેદિક કોવિડ કેર સેન્ટર શરૂ કરવામાં આવ્યું છે.
રાજકોટના એરપોર્ટ રોડ પર એક ખાનગી હોટલની અંદર આયુર્વેદિક કોવિડ કેર સેન્ટર બનાવવામાં આવ્યું છે. અહીં તંત્ર દ્વારા 90 બેડની મંજૂરી આપવામાં આવી છે.
આ આયુર્વેદિક કોવિડ સેન્ટરમાં દર્દીઓને બે ટાઇમ જમવાનું, નાસ્તો, આયુર્વેદિક દવાઓ અને યોગા કરાવવામાં આવશે. સંપૂર્ણ રીતે આયુર્વેદની પદ્ધતિથી કોરોનાની સારવાર થશે.
આ સેન્ટરમાં દિવસ દરમિયાન નિષ્ણાંત ડોક્ટરોની ટીમ કોરોનાની સારવાર આપવાની છે. દર્દીઓની જરૂરીયાત પ્રમાણે ડોક્ટરો આયુર્વેદિક પદ્ધતિથી દર્દીઓની સારવાર કરશે.