PICS: `બાબા કા ઢાબા`ના માલિકે youtuber પર લગાવ્યો વિશ્વાસઘાતનો આરોપ, જાણો શું કહ્યું?

કાંતા પ્રસાદનું કહેવું છે કે યુટ્યૂબર ગૌરવ વાસને અમારી સાથે વિશ્વાસઘાત કર્યો છે. તેણે મદદની અપીલ કર્યા બાદ પોતાનો, તેની પત્નીનો, અને ભાઈના એકાઉન્ટ નંબર આપ્યા. બધા પૈસા તેમની પાસે ગયા. તેમણે ક્યારેય જણાવ્યું નહીં કે કોણે કેટલા પૈસા આપ્યા. 

ગૌરવે કહ્યું હતું કે બેંકમાં પૈસા જમા કરીએ છીએ પરંતુ બેંકમાં પૈસા ન કરાવ્યા અને રસીદ પણ નથી આપી. બેંકમાંથી નીકળ્યા બાદ તેણે વીડિયો બનાવ્યો અને કહ્યું કે લોકોને કહો કે હવે મદદ જોઈતી નથી. હવે મારી જગ્યાએ કોઈ બીજા જરૂરિયાતવાળાને મદદ કરો. 

કાંતા પ્રસાદે કહ્યું કે '25 તારીખની સવારે સુશાંતે પૂછ્યું કે કેટલાક પૈસા આવ્યા તો ગૌરવે કહ્યું કે 75 હજાર રૂપિયા આવ્યા છે અને વધુ ખબર નથી. 26ના રોજ ગૌરવ ચેક લઈને આવ્યો હતો. હું નહતો, સાંજે ઘરે આવ્યા અને ફરીથી ગૌરવ અને સુશાંતમાં લડાઈ થઈ રહી હતી. ગૌરવના ભાઈએ સુશાંત પર હાથ ઉઠાવ્યો અને પછી અમને 2 લાખ રૂપિયાનો ચેક આપ્યો.'

તેમણે વધુમાં કહ્યું કે ગૌરવે કહ્યું હતું કે મારું બેંક ખાતું સીલ થઈ ગયું, પરંતુ બાબાના 20 લાખ રૂપિયા આવ્યા છે. જ્યારે એકાઉન્ટ સીલ થઈ ગયું હતું તો તેને કેવી રીતે ખબર કેટલા પૈસા આવ્યા. બધા પૈસા તેની પત્ની અને ભાઈના એકાઉન્ટમાં આવ્યા હતા.