કોણ છે ઝહીર ઈકબાલ? જેની સાથે સોનાક્ષી સિન્હાના લગ્નના સમાચાર થઈ રહ્યાં છે વાયરલ

ઝહીર ઈકબાલ વ્યવસાયે અભિનેતા છે અને તેનું પૂરું નામ ઝહીર ઈકબાલ રતનસી છે. તેણે મુંબઈની સ્કોટિશ સ્કૂલમાં અભ્યાસ કર્યો. જ્યાં તેનો સિનિયર રણબીર કપૂર હતો.

તેના ફિલ્મી કરિયરની વાત કરીએ તો તેણે વર્ષ 2019માં રોમેન્ટિક ફિલ્મ 'નોટબુક'થી પોતાના કરિયરની શરૂઆત કરી હતી. આ ફિલ્મનું નિર્માણ સલમાન ખાને કર્યું હતું. આ ફિલ્મમાં તેની સામે મોહનીશ બહલની પુત્રી પ્રનૂતન હતી.

મીડિયા રિપોર્ટ્સની વાત કરીએ તો સોનાક્ષી અને ઝહીર ઈકબાલની મુલાકાત સલમાન ખાન દ્વારા થઈ હતી. જે બાદ બંને એકબીજાના પ્રેમમાં પડ્યા હતા. આ પછી બંને ફિલ્મ 'ડબલ સિંગલ એલ'માં સાથે જોવા મળ્યા હતા.

ખાસ વાત એ છે કે ઝહીરે ગયા વર્ષે સોનાક્ષી સાથે તેના બર્થડે પર તેના સંબંધોને સત્તાવાર જાહેર કર્યા હતા. આ બંને વચ્ચે ઉંમરનો તફાવત પણ છે. સોનાક્ષીનો જન્મ 2 જૂન, 1987ના રોજ થયો હતો જ્યારે ઝહીરનો જન્મ 10 ડિસેમ્બર, 1988ના રોજ થયો હતો. એટલે કે સોનાક્ષી ઝહીર કરતાં ઉંમરમાં મોટી છે. પરિવારની વાત કરીએ તો ઝહીર ઈકબાલના પિતા જ્વેલર અને બિઝનેસમેન છે. તેના પિતાનું નામ ઈકબાલ રતનસી છે. આ સાથે તે સલમાન ખાનનો નજીકનો મિત્ર પણ છે.

ઝહીર વ્યવસાયે અભિનેતા છે જ્યારે તેની માતા ગૃહિણી છે. બહેન સેલિબ્રિટી સ્ટાઈલિશ છે અને નાનો ભાઈ કમ્પ્યુટર એન્જિનિયર છે. હાલમાં એવા સમાચાર આવી રહ્યા છે કે સોનાક્ષી સિન્હા અને ઝહીર ઈકબાલના લગ્ન માટે પરિવાર, નજીકના મિત્રો તેમજ હીરામંડીની સમગ્ર કાસ્ટને આમંત્રણ મોકલવામાં આવ્યું છે. પરંતુ આ અહેવાલો પર બંને તરફથી કોઈ પ્રતિક્રિયા આવી નથી.