Good News: Petrol-Diesel થશે સાવ સસ્તું! કાઉન્ટડાઉન શરૂ, સરકાર કરી રહી છે મોટી તૈયારી
Petrol Diesel Price Cut News: તમારી પાસે વાહન છે તો આ સમાચાર તમારા માટે છે. સરકારે સ્થાનિક ક્રૂડ ઓઈલ પર લગભગ ₹1,850 પ્રતિ ટનનો વિન્ડફોલ ટેક્સ નાબૂદ કર્યો છે અને તેને ઘટાડીને શૂન્ય કર્યો છે. આ તે જ ટેક્સ છે જે ઓઈલ કંપનીઓના વધારાના નફા પર લગાવવામાં આવે છે. હવે આ ટેક્સ આજથી એટલે કે 18 સપ્ટેમ્બરથી ઓઈલ કંપનીઓ પાસેથી વસૂલવામાં આવશે નહીં.
એટલું જ નહીં તેની અસર ટૂંક સમયમાં અમારા અને તમારા ખિસ્સા પર દેખાઈ શકે છે અથવા એમ કહી શકાય કે સરકારના આ પગલાને કારણે પેટ્રોલ અને ડીઝલ સસ્તું થવાની શક્યતા વધી ગઈ છે. ગયા અઠવાડિયે પેટ્રોલિયમ સચિવ પંકજ જૈને પણ સંકેત આપ્યો હતો કે જો ક્રૂડ ઓઈલના ભાવ લાંબા સમય સુધી નીચા રહેશે તો ઓઈલ કંપનીઓ ઈંધણના ભાવ ઘટાડવા અંગે વિચાર કરી શકે છે. હવે જ્યારે ક્રૂડ ઓઈલ પરનો વિન્ડફોલ ટેક્સ નાબૂદ કરવામાં આવ્યો છે અને તેને શૂન્ય કરવામાં આવ્યો છે, એવી અપેક્ષા છે કે ઓઈલ કંપનીઓ પેટ્રોલ અને ડીઝલના ભાવમાં ઘટાડો કરી શકે છે. આગામી દિવસોમાં 4 રાજ્યોમાં ચૂંટણી છે તો સરકાર ભાવમાં ઘટાડો કરી રાહત આપી શકે છે.
વિન્ડફોલ એ ટેક્સ છે જે સરકાર અણધારી અથવા અસાધારણ નફો કરતી કંપનીઓ પર લાદે છે. જ્યારે આંતરરાષ્ટ્રીય તેલના ભાવ વધે છે, ત્યારે તેલ ઉત્પાદક કંપનીઓને તેમના ઉત્પાદન માટે વધુ પૈસા મળે છે. આ કંપનીઓને વધારાનો નફો કમાય છે. સરકાર આ વધારાના નફા પર ટેક્સ લગાવીને નિયંત્રિત કરવાનો પ્રયાસ કરે છે, જેથી બજાર સંતુલિત રહે અને કંપનીઓ વધુ પડતો નફો ન મેળવે. તેને 'વિન્ડફોલ' કહેવામાં આવે છે.
ક્રૂડ ઓઈલ પર વિન્ડફોલ ટેક્સ લાદવામાં આવે છે ત્યારે ઓઈલ કંપનીઓ માટે ઉત્પાદન ખર્ચ વધી જાય છે. આ વધારાની કિંમત પેટ્રોલ અને ડીઝલના ભાવ પર પણ અસર કરે છે. એટલે કે જ્યારે ક્રૂડ ઓઈલ પર ટેક્સ વધશે ત્યારે પેટ્રોલ અને ડીઝલના ભાવ પણ વધી શકે છે. હવે સરકારે વિન્ડફોલ ટેક્સ ઘટાડીને શૂન્ય કરી દીધો છે. આનાથી સ્પષ્ટ થાય છે કે ઓઈલ કંપનીઓની કિંમતમાં ઘટાડો થઈ શકે છે, જેના કારણે જો કંપનીઓ આ ઘટેલા ટેક્સનો લાભ ગ્રાહકો સુધી પહોંચાડે તો પેટ્રોલ અને ડીઝલના ભાવમાં ઘટાડો થઈ શકે છે. એવું બને કે આગામી દિવસોમાં પેટ્રોલ અને ડીઝલના ભાવમાં ઘટાડો જોવા મળી શકે છે. મતલબ કે વિન્ડફોલ ટેક્સની સીધી અસર પેટ્રોલ અને ડીઝલની કિંમતો પર પડે છે. આ ટેક્સમાં ફેરફાર થતાં જ તેની અસર સામાન્ય જનતાના ખિસ્સા પર પણ પડી શકે છે. આગામી દિવસોમાં ચૂંટણી છે ત્યારે સરકાર આ મામલે મોટો નિર્ણય લઈ શકે છે.
પેટ્રોલ અને ડીઝલના ભાવમાં છેલ્લે માર્ચમાં ફેરફાર કરવામાં આવ્યો હતો. માર્ચમાં પેટ્રોલ અને ડીઝલના ભાવમાં પ્રતિ લીટર 2-2 રૂપિયાનો ફેરફાર કરવામાં આવ્યો હતો પરંતુ ત્યાર બાદ કોઈ મોટી રાહત આપવામાં આવી નથી. જો કે, લોકો કેન્દ્રીય તેલ કંપનીઓ પાસેથી રાહતની અપેક્ષા રાખે છે.
પેટ્રોલ-ડીઝલનો ભાવ મુખ્ય ચાર બાબતોના આધારે નક્કી કરવામાં આવે છે. 1) કાચા તેલની કિંમત એટલે કે, આંતરરાષ્ટ્રિય બજારોમાં ક્રૂડ ઓઈલનો ભાવ 2) રૂપિયા પ્રમાણે અમેરિકી ડોલરની કિંમત 3) કેન્દ્ર અને રાજ્ય સરકાર દ્વારા વસૂલવામાં આવતો ટેક્સ 4) દેશમાં ફ્યુલની માગ કેટલી છે તેને પણ ધ્યાને લેવાય છે.
તમે તમારા શહેરમાં પેટ્રોલ અને ડીઝલના ભાવ સરળતાથી જાણી શકો છો. આ માટે ઓઈલ માર્કેટિંગ કંપનીઓની વેબસાઈટ પર જવું પડશે અથવા SMS મોકલવો પડશે. જો તમે ઈન્ડિયન ઓઈલના ગ્રાહક છો તો તમે RSP સાથે 9224992249 નંબર પર SMS મોકલી શકો છો અને જો તમે BPCL ગ્રાહક છો તો RSP લખીને 9223112222 નંબર પર SMS મોકલી શકો છો.