Data Leak: શું તમે પણ યૂઝ કરો છો Debit-Credit કાર્ડ? ખતરામાં છે તમારું એકાઉન્ટ
રિપોર્ટ અનુસાર જણાવવામાં આવી રહ્યું છે કે, કાર્ડ ધારકોની ખાનગી જાણકારી ડાર્ક વેબ પર વેચાઈ રહી છે. જે લોકોની જાણકારીઓ લીક થઈ છે, તેમના માટે ખતરાની વાત છે. કેમ કે, ખાતા ધારકોના નામ, તેમના મોબાઇલ નંબર, ઈ-મેલ આઇડી જેવી સંવેદનશીલ જાણકારીઓ લીક થઈ છે. સાથે જ ક્રેડિટ અને ડેબિટ કાર્ડની શરૂઆતના ચાર નંબર અને છેલ્લા ચાર નંબર, કાર્ડની એક્સપાયરી ડેટ પણ લીક થઈ છે. જેને ડાર્ક વેબ પર વેચવામાં આવી રહી છે.
રિપોર્ટ અનુસાર કાર્ડ યૂઝર્સનો ડેટા એક પેમેન્ટ ગેટવેથી લીક થયો છે જેનું નામ Juspay છે. Juspay અમેઝોન, ઓનલાઇન ફૂડ બુકિંગ પ્લેટફોર્મ Swiggy અને Makemytripની બુકિંગ પેમેન્ટની પ્રક્રિયા કરે છે.
રિપોર્ટમાં સામે આવ્યું છે કે, આ તમામ 10 કોરોડ લોકોનો ડેટા આજથી લગભઘ 5 મહિના પહેલા ઓગસ્ટ 2020માં લીક થયો હતો. એવું પણ સામે આવ્યું છે કે, જે ડેટા ડાર્ક વેબમાં ગયો છે. તેમાં યૂઝર્સની માર્ચ 2017થી લઇને ઓગસ્ટ 2020 સુધીની જાણકારી સામેલ છે.
આ પહેલા ડિસેમ્બરમાં સમાચાર આવ્યા હતા કે, 70 લાખ ભારતીયોના ડેબિટ કાર્ડનો ડેટા લીક થયો હતો. ઈન્ડિપેન્ડેન્ટ ભારતીય સાયબર સિક્યૂરિટી રિસર્ચર રાજશેખર રાઝારિયાનું કહેવું છે કે, ડેટાને Dark Web ફોરમ પર મુકવામાં આવ્યો જ્યાંથી તેના ગ્રાહકો સુધી પહોંચી ગયો.