Diwali 2021: ભારત ઉપરાંત આ દેશોમાં પણ દિવાળીનો તહેવાર ખુબ જ ધામધૂમથી ઉજવાય છે, બસ નામ અલગ હોય
ભારતની જેમ જ ઈન્ડોનેશિયામાં દિવાળી એક મોટો તહેવાર છે. અહીં પણ એ જ રીતિ રિવાજથી ઉજવાય છે જે રીતે ભારતમાં લોકો આ પર્વની ઉજવણી કરે છે. અહીં દિવાળીના દિવસે જાહેર રજા હોય છે અને લોકો રોશનીના આ પર્વની ભરપૂર મજા લે છે.
મલેશિયામાં દિવાળી Hari Diwali નામથી ઉજવાય છે. અહીં આ પર્વને ઉજવવાની રીત થોડી અલગ છે. અહીં લોકો દિવાળીના દિવસની શરૂઆત તેલમાં ન્હાઈને કરે છે અને ત્યારબાદ મંદિર જઈને પ્રાર્થના કરે છે. મલેશિયામાં ફટાકડા પર પ્રતિબંધ છે એટલે અહીં આ તહેવાર મીઠાઈ, ભેટ, અને એકબીજાને ખુબ સારી શુભેચ્છાઓ આપીને મનાવવામાં આવે છે.
ફિજીમાં ભારતીયોની સારી એવી વસ્તી છે. આથી અહીં પણ આ તહેવાર ધૂમધામથી ઉજવાય છે. આ દિવસે અહીં જાહેર રજા હોય છે. લોકો પાર્ટી રાખે છે અને એકબીજાને ભેટ આપે છે.
શ્રીલંકામાં દિવાળીનો તહેવાર લોકોને મનગમતો તહેવાર છે. અહીં જાહેર રજા હોય છે. લોકો ખુબ ઉત્સાહથી આ તહેવાર ઉજવે છે.
દિવાળીને થાઈલેન્ડમાં Lam Kriyongh સ્વરૂપે ઉજવવામાં આવે છે. તેનું નામ ભલે અલગ હોય પરંતુ તેમાં બધુ એ જ રીતે હોય છે જે રીતે ભારતમાં દિવાળી ઉજવાય છે. થાઈ કેલેન્ડર મુજબ આ પર્વ વર્ષના 12માં મહિનાના ફૂલ મૂન ડે એટલે કે પૂર્ણિમાના દિવસે ઉજવાય છે.
દિવાળીના દિવસે અહીં જાહેર રજા તો નથી હોતી પરંતુ કેટલાક શહેરોમાં આ તહેવાર ખુબ ધામધૂમથી ઉજવવામાં આવે છે. મોટી સંખ્યામાં લોકો રોશનીના આ પર્વને ઉજવે છે.
બ્રિટનના અનેક શહેરો જેમ કે Leichester અને Birmingham માં દિવાળી શાનદાર રીતે ઉજવવામાં આવે છે. તેનું કારણ એ છે કે અહીં મોટી સંખ્યામાં ભારતીય સમુદાયના લોકો વસેલા છે. અહીં પણ દિવાળી એટલી જ ધૂમધામથી ઉજવાય છે જેટલી ભારતમાં.
જો તમે દિવાળીના સમયે સિંગાપુરમાં હોવ તો અહીં પણ તે જ રીતે દિવાળીની મજા માણી શકો છો. જે રીતે ભારતમાં લોકો ઉજવે છે. અહીં પણ ખુબ જ શાનદાર રીતે આ પર્વની ઉજવણી થાય છે.