ચૂંટણી પહેલાં ચર્ચામાં છે આ ફિલ્મ! ખુદ પૂર્વ CM પણ પહોંચ્યા ફિલ્મના સ્ક્રીનિંગમાં, જુઓ તસવીરો

અંકિતા લોખંડેએ સ્વતંત્ર વીર સાવરકર ફિલ્મમાં યમુના સાવરકરનું પાત્ર ભજવ્યું છે. અંકિતાએ આ ફિલ્મમાં પોતાના દમદાર પાત્રથી ફિલ્મ દર્શકોને પ્રભાવિત કર્યા છે. સ્વતંત્રતા સેનાની વીર સાવરકર પર આધારિત સ્વતંત્ર વીર સાવરકરના સ્પેશિયલ સ્ક્રીનિંગમાં અંકિતાએ સાડીમાં પોતાનો દેશી લૂક બતાવ્યો હતો.

અંકિતા લોખંડે વીર સ્વાતંત્ર્ય વીર સાવરકરના સ્પેશિયલ સ્ક્રીનિંગમાં મોટી ફ્લાવર પ્રિન્ટવાળી લાલ સાડી પહેરીને પહોંચી હતી. અભિનેત્રીએ સાડી સાથે ગુલાબી રંગનું કટ સ્લીવ બ્લાઉઝ પહેર્યું હતું. પરંતુ અભિનેત્રીએ કોઈપણ પ્રકારની હેવી જ્વેલરી કે મેકઅપ કેરી કરી ન હતી. અંકિતાએ કપાળ પર સિંદૂર લગાવીને પોતાનો લુક પૂરો કર્યો.

તમને જણાવી દઈએ કે, રણદીપ હુડ્ડાએ સ્વતંત્ર વીર સાવરકરમાં અભિનય અને દિગ્દર્શન બંને કામ કર્યા છે. આ ફિલ્મ માટે રણદીપ હુડ્ડાની ચારે બાજુથી પ્રશંસા થઈ રહી છે. રણદીપ હુડ્ડા મેચિંગ પેન્ટ અને સફેદ જેકેટ સાથે બીચ કલરની ટી-શર્ટ પહેરીને ફિલ્મના સ્પેશિયલ સ્ક્રીનિંગમાં પહોંચ્યા હતા.

રણદીપ હુડ્ડાના કેઝ્યુઅલ લૂકની તસવીરો સોશિયલ મીડિયા પર વાયરલ થઈ રહી છે. તમને જણાવી દઈએ કે, માત્ર રણદીપ હુડ્ડાની તસવીરો જ નહીં પરંતુ ફિલ્મ સ્વતંત્ર વીર સાવરકરને પણ ફિલ્મ ચાહકો ખૂબ પસંદ કરી રહ્યાં છે.

મહારાષ્ટ્રના પૂર્વ સીએમ અને ભાજપના દિગ્ગજ નેતા દેવેન્દ્ર ફડણવીસ પણ રણદીપ હુડ્ડાની ફિલ્મના સ્ક્રીનિંગ માટે પહોંચ્યા હતા. રણદીપ હુડ્ડા અને દેવેન્દ્ર ફડણવીસની ઘણી તસવીરો સોશિયલ મીડિયા પર વાયરલ થઈ રહી છે.