Reporter અને News Anchor તરીકે દેખાતો જાણીતો Media Face હવે Big Boss 3 માં ચમકશે!
બિગ બોસ ઓટીટીની ત્રીજી સીઝન આજથી જિયો સિનેમા પર સ્ટ્રીમ થશે, જેને અનિલ કપૂર હોસ્ટ કરશે. રિયાલિટી શોને લઈને બિગ બોસના ચાહકોમાં ભારે ઉત્તેજના છે. આ ઉત્તેજના જોઈને, બિગ બોસના નિર્માતાઓએ શોના પાંચમા કન્ફર્મ કન્ટેસ્ટન્ટની એક ઝલક શેર કરી છે. જોકે નિર્માતાઓએ પાંચમા સ્પર્ધકના નામની પુષ્ટિ કરી નથી... પરંતુ નેટીઝન્સ અનુસાર, બિગ બોસ ઓટીટીનો પાંચમો સ્પર્ધક અન્ય કોઈ નહીં પરંતુ જાણીતા પત્રકાર અને મીડિયા પર્સનાલિટી દીપક ચૌરસિયા હોવાનું માનવામાં આવે છે.
દીપક ચૌરસિયા ફિલ્ડ રિપોર્ટિંગ અને એન્કરિંગનો ઘણા વર્ષોનો અનુભવ ધરાવે છે. દીપક ચૌરસિયાએ ઘણી મોટી ન્યૂઝ ચેનલો સાથે કામ કર્યું છે અને તેમની કારકિર્દીમાં રાજકારણ, રમતગમત અને મનોરંજનની દુનિયાના દિગ્ગજ વ્યક્તિઓના ઇન્ટરવ્યુ પણ લીધા છે.
દીપક ચૌરસિયાનો જન્મ મધ્ય પ્રદેશના ઈન્દોરમાં થયો હતો. તેમણે ઇન્ડિયન ઇન્સ્ટિટ્યૂટ ઑફ માસ કોમ્યુનિકેશન, દિલ્હીમાંથી પત્રકારત્વમાં ડિપ્લોમા કર્યું છે. જે બાદ દીપક ચૌરસિયાએ મીડિયા ઈન્ડસ્ટ્રીમાં પોતાનું નામ બનાવ્યું.
મીડિયા ઈન્ડસ્ટ્રીના પ્રખ્યાત ચહેરા દીપક ચૌરસિયાના રિયાલિટી શો બિગ બોસ ઓટીટી 3માં પ્રવેશવાના સમાચારે ચાહકોને ખૂબ જ ઉત્સાહિત કરી દીધા છે. હવે બિગ બોસના દર્શકો પત્રકાર દીપક ચૌરસિયાના નવા અવતારને જોવા માટે ઉત્સુક છે.
દીપક ચૌરસિયા સોશિયલ મીડિયા પર ખૂબ જ એક્ટિવ રહે છે. દીપક ચૌરસિયાના X (Twitter), Instagram અને YouTube પર લાખો ફોલોઅર્સ છે. ઈન્સ્ટાગ્રામની વાત કરીએ તો ઈન્સ્ટા પર દીપક ચૌરસિયાના 291K ફોલોઅર્સ છે.