2024 માં ભારતના આ ખેલાડીઓ પર રહેશે નજર, T20 વર્લ્ડકપમાં ધમાલ મચાવવાની તૈયારી!
નવું વર્ષ નવી અપેક્ષાઓ અને ક્રિકેટના મેદાન પર નવી વાર્તા લખવાની તૈયારીઓ. વર્ષ 2024 શરૂ થઈ ગયું છે. ભારત ઉપરાંત આ વર્ષે ઘણી ટીમો ટી20 વર્લ્ડ કપ રમશે. આ વર્ષે તમામની નજર 4 ભારતીય ખેલાડીઓ પર રહેશે. જો તક આપવામાં આવે તો આ ચારેય અમેરિકા અને વેસ્ટ ઈન્ડિઝમાં યોજાનાર T20 વર્લ્ડ કપમાં ધૂમ મચાવશે.
આમાં પહેલું નામ શુભમન ગિલ (Shubman Gill) નું છે. શુભમને 2023માં પણ ધમાલ મચાવી હતી. તે તમામ ફોર્મેટમાં આંતરરાષ્ટ્રીય સ્તરે સૌથી વધુ રન બનાવનાર ખેલાડી હતો. તેના બેટથી આઈપીએલમાં તબાહી મચી ગઈ હતી. 2023માં T20 ઈન્ટરનેશનલમાં, શુભમને 13 મેચમાં એક સદી સહિત કુલ 312 રન ઉમેર્યા હતા.
2023માં T20માં ભારત માટે સૌથી વધુ રન બનાવનાર સૂર્યકુમાર યાદવ (Suryakumar Yadav) 2024માં પણ ધમાકેદાર દેખાવ કરવા માટે તૈયાર છે. ગત વર્ષે તેણે 18 મેચમાં 2 સદી અને 5 અડધી સદીની મદદથી 733 રન બનાવ્યા હતા. T20 વર્લ્ડ કપમાં બધાની નજર તેના પર રહેશે.
ત્રીજું નામ છે યશસ્વી જયસ્વાલ. યશસ્વીએ 2023માં જ આંતરરાષ્ટ્રીય ક્રિકેટમાં ડેબ્યૂ કરીને ધૂમ મચાવી હતી. તેણે પોતાની પ્રતિભા સાબિત કરી. 2023 માં, આ બેટ્સમેને ભારત માટે 15 T20 મેચોમાં 1 સદી અને 3 અડધી સદી ફટકારી હતી અને આ ફોર્મેટમાં 430 રન બનાવ્યા હતા. તે T20 વર્લ્ડ કપમાં પણ ભારતનો એક્સ ફેક્ટર સાબિત થઈ શકે છે.
વર્ષ 2023માં ભારતની સૌથી મોટી શોધ ગણાતી રિંકુ સિંહે (Rinku SIngh)પોતાની ઓળખ 'મિસ્ટર ફિનિશર' તરીકે બનાવી છે. આ ડાબોડી બેટ્સમેને આઈપીએલમાં શાનદાર પ્રદર્શન કર્યું અને તેને ભારત તરફથી રમવાની તક મળી. વર્ષ 2023માં, રિંકુએ ભારત માટે 12 T20 મેચ રમી અને 180.68ની સ્ટ્રાઈક રેટ અને લગભગ 65ની એવરેજથી 262 રન બનાવ્યા. આ દરમિયાન તેનો સર્વશ્રેષ્ઠ સ્કોર અણનમ 68 રન હતો. જો તેને T20 વર્લ્ડ કપમાં તક મળે છે તો સ્વાભાવિક રીતે જ તે ટીમની મોટી તાકાત બની શકે છે.