LPG સિલિન્ડરથી લઈને પેન્શન સુધી...નવા વર્ષથી બદલાઈ જશે આ નિયમ, જાણો તમારા ખિસ્સા પર શું થશે અસર?

1 જાન્યુઆરી 2025થી ઘરેલુ અને કોમર્શિયલ એલપીજી સિલિન્ડરની કિંમતમાં ફેરફાર થવાની ધારણા છે. કોમર્શિયલ એલપીજી સિલિન્ડરના ભાવમાં છેલ્લા ઘણા મહિનાઓથી વધઘટ જોવા મળી રહી છે. જ્યારે 14 કિલોના ઘરેલુ સિલિન્ડરની કિંમતો સ્થિર છે. આ સિવાય ATFની કિંમતમાં ફેરફાર થઈ શકે છે અને તેની અસર જાન્યુઆરીમાં હવાઈ ભાડા પર પડી શકે છે.

1 જાન્યુઆરી, 2025થી EPFO સંબંધિત નિયમો બદલાઈ રહ્યા છે. નવા નિયમ હેઠળ EPFO ​​પેન્શનરો દેશભરની કોઈપણ બેંકમાંથી તેમનું પેન્શન ઉપાડી શકશે. આ પેન્શન ઉપાડને વધુ અનુકૂળ અને સરળ બનાવશે, કારણ કે હવે કોઈ વધારાની ચકાસણીની જરૂર રહેશે નહીં, જે પેન્શનરો માટે પ્રક્રિયાને સરળ બનાવશે.  

1 જાન્યુઆરી 2025થી ફીચર ફોન યૂઝર્સ માટે UPI 123Pay (UPI 123Pay) માટેની લેણદેણની  લિમિટમાં વધારો થશે. તમને જણાવી દઈએ કે UPI 123Pay. બેઝિક ફોન પર ઓનલાઈન પેમેન્ટની મંજૂરી આપે છે. ટ્રાન્ઝેક્શન લિમિટ 5,000 રૂપિયાથી વધારીને 10,000 રૂપિયા કરવામાં આવશે. પછી ફીચર ફોન પર UPI દ્વારા મોટા ટ્રાન્ઝેક્શન કરવાનું સરળ બનશે.

1 જાન્યુઆરી 2025થી સેન્સેક્સ, સેન્સેક્સ-50 અને બેન્કોની એક્સપાયરી ડેટ્સ પર મોટા ફેરફારો લાગુ કરવામાં આવશે. આ સૂચકાંકોની અત્યાર સુધી એક્સપાયરી શુક્રવારે થતી હતી, હવે તે મંગળવારે થશે. વધુમાં ત્રિમાસિક અને અર્ધવાર્ષિક કરાર હવે સંબંધિત મહિનાના છેલ્લા મંગળવારે સમાપ્ત થશે. જ્યારે નિફ્ટી 50ના માસિક કોન્ટ્રાક્ટની મુદત ગુરુવારે પૂરી થશે.

કૃષિ ક્ષેત્રને પ્રોત્સાહન આપવા માટે ખેડૂતો હવે 1 જાન્યુઆરી, 2025 થી કોઈપણ ગેરંટી વિના 2 લાખ રૂપિયા સુધીની લોન માટે પાત્ર બનશે. પહેલા આ મર્યાદા 1.6 લાખ રૂપિયા હતી. આ મર્યાદા વધારવાથી ખેડૂતો કૃષિ પ્રવૃત્તિઓ માટે પહેલા કરતાં વધુ નાણાં મેળવી શકશે, જેનાથી ઉત્પાદકતા અને આજીવિકા બંનેમાં સુધારો થશે.  

જાન્યુઆરી 2025થી શરૂ થઈને વ્યવસાયોને GST પોર્ટલને ઍક્સેસ કરવા માટે મલ્ટિ-ફેક્ટર ઓથેન્ટિકેશન (MFA) અપનાવવાની જરૂર પડશે. સુરક્ષાના આ વધારાના સ્તરને OTP જેવા વધારાના પ્રમાણીકરણ ચકાસણીની જરૂર પડશે. આ સિવાય છેલ્લા 180 દિવસમાં જારી કરાયેલા દસ્તાવેજો માટે જ ઈ-વે બિલ જનરેટ કરી શકાય છે.