ધરતી પર આ જગ્યાએ છે `નરકનો દરવાજો`, જ્યાં વર્ષોથી સળગી રહી છે આગ

લોકોના મનમાં નરકના દરવાજાને (Door To Hell) લઇને ઘણા સવાલો છે. દુનિયાભરના અસંખ્ય દરવાજામાં નરકનો દરવાજો એકમાત્ર છે, જેને કોઈએ જોયો નથી, પરંતુ તેના માટે મનમાં ઘણી ઉત્સુકતા છે. પરંતુ જો અમે તમને કહીએ કે દુનિયામાં ખરેખર નરકનો દરવાજો છે, તો શું તમે વિશ્વાસ કરશો? ખરેખર, તુર્કમેનિસ્તાનનો (Turkmenistan) કરકુમ રણ (Karakum Desert) નરકનો દરવાજો માનવામાં આવે છે.

એવું કહેવામાં આવે છે કે રણના બનેલા આ ખાડામાં કુદરતી ગેસ ક્રેટર (Natural Gas Crater) છે, જેમાંથી મિથેન ગેસને (Methane Gas) કારણે આગ બહાર આવી રહી છે. આ રહસ્યને કારણે, આ સ્થાન પ્રવાસીઓ માટેનું એક મોટું આકર્ષણ છે.

તુર્કમેનિસ્તાન અગાઉ સોવિયત સંઘનો ભાગ હતો. સિત્તેરના દાયકાની શરૂઆતમાં, અહીં કુદરતી ગેસના (Natural Gas Reserve) વિશાળ ભંડાર મળી આવ્યા હતા. ત્યારે રશિયા બીજા વિશ્વ યુદ્ધ પછી આવી આર્થિક નબળાઇ સાથે સંઘર્ષ કરી રહ્યું હતું. ગેસ ભંડાર તેને દૂર કરવામાં મદદ કરી શકતું હતું. વર્ષ 1971 માં કુદરતી ગેસ કાઢવાની દોડમાં મોટો વિસ્ફોટ થયો. આ વિસ્ફોટથી તે ખાડો થયો, જેને આજે ડોર ટૂ હેલ (Door To Hell) કહેવામાં આવે છે.

દુર્ઘટનામાં મિથેન ગેસનો ફેલાવો અટકાવવા વૈજ્ઞાનિકોઓએ એક પદ્ધતિ અજમાવી હતી. તેમણે ખાડાના છેડે આગ લગાવી. વૈજ્ઞાનીકોઓએ આગાહી કરી હતી કે ગેસ ખતમ થઈ જતાં આગ કાબુમાં લેવામાં આવશે, પરંતુ તે બન્યું નહીં. આજે 50 વર્ષ વીતી ગયા હોવા છતાં પણ આગ આજ રીતે સળગી રહી છે.

જે ખાડામાં આગ સળગી રહી છે તે 229 ફુટ પહોળી છે અને તેની ઉંડાઈ લગભગ 65 ફૂટ છે. મિથેન અને સલ્ફરની ગંધ જે સળગતી વખતે બહાર આવે છે, તે દૂર દૂર સુધી ફેલાય છે. આ આગ એટલી ભયંકર છે કે તેની જ્વાળાઓ અનેક મીટરની ઉંચાઇ સુધી દેખાતી રહે છે. આ સાથે ખાડાની અંદર ઉકળતી માટી પણ દેખાય છે.