9000 રૂપિયા પ્રતિ કિલોમાં વેચાઇ રહી છે આ મિઠાઇ, જાણો શું છે તેમાં ખાસ
આ મિઠાઇ માવા, ખાંડ, દેશી ઘી અને ડ્રાઇ ફ્રૂટ્સને મિક્સ કરીને તૈયાર કરવામાં આવે છે. પરંતુ આ ઘારીમાં ઇનોવેશન કરતાં ઘારી પર સોનાનો વર્ક ચઢાવી તેને ગોલ્ડ ઘારી નામ આપવામાં આવ્યું છે.
સામાન્ય રીતે આ મિઠાઇ 660-820 રૂપિયા પ્રતિ કિલોગ્રામમાં વેચાઇ છે. પરંતુ આ પારંપારિક મિઠાઇમાં એક નવો પ્રયોગ કરતાં તેને સ્પેશિયલ બનાવી દેવામાં આવી છે. તેમાં સોનાનો વર્ક ચઢાવવામાં આવ્યો છે. એટલા માટે મીઠાઇ આટલી મોંઘી છે.
મિઠાઇ દુકાનદારનું કહેવું છે કે ગોલ્ડ ઘારી પર સોનાનો વર્ક લગાવવામાં આવ્યો છે. સોનું સ્વાસ્થ્યવર્ધક ગણવામાં આવે છે. હાલ તેની ડિમાન્ડ ઓછી છે પરંતુ આશા છે કે આગામી દિવસોમાં ડિમાન્ડ વધશે અને લોકોને આ મિઠાઇ પણ પસંદ આવશે.
તમને જણાવી દઇએ કે ગુજરાતમાં આ ઘારી મિઠાઇ દિવાળી અને બીજા તહેવારોમાં ખૂબ વેચાઇ છે. સુરત શહેરમાં ખાસકરીને આ મિઠાઇ વધુ વેચાઇ છે.
જોકે, શરદ પૂર્ણિમાના બીજા દિવસે ચંડી પડવાના દિવસે ગુજરાતમાં ઘારી મિઠાઇ ખાવાની પરંપરા છે.