રૂપ રૂપનો અંબાર છે અમદાવાદી છોકરી રિયા સિંઘા, જેણે જીત્યો Miss Universe India 2024 નો તાજ
મિસ યુનિવર્સ ઈન્ડિયા 2024 નું ટાઈટલ જીત્યા પછી રિયાએ તેમનો આભાર વ્યક્ત કર્યો અને કહ્યું, "આજે મેં મિસ યુનિવર્સ ઈન્ડિયા 2024 નો ખિતાબ જીત્યો. હું ખૂબ જ આભારી છું. મેં આ સ્તર સુધી પહોંચવા માટે ખૂબ જ સખત મહેનત કરી છે જ્યાં આ તાજ માટે હું મારી જાત પર ગર્વ અનુભવું છું. "હું સમજી શકું છું. હું અગાઉના વિજેતાઓથી ખૂબ જ પ્રેરિત છું."
મિસ યુનિવર્સ ઈન્ડિયા 2024 સ્પર્ધામાં અન્ય સ્પર્ધકોએ પણ પ્રભાવશાળી પ્રદર્શન કર્યું હતું. પ્રાંજલ પ્રિયા ફર્સ્ટ રનર અપ, જ્યારે છવી સેકન્ડ રનર અપ રહી. સુષ્મિતા રોય અને રુફુઝાનો વિસો અનુક્રમે ત્રીજા અને ચોથા રનર્સ અપ રહ્યા હતા.
મિસ યુનિવર્સ 2015 અભિનેત્રી ઉર્વશી રૌતેલાએ મિસ યુનિવર્સ ઈન્ડિયા 2024 જીત્યા બાદ રિયા સિંઘાને તાજ પહેરાવ્યો હતો. નિર્ણાયકોની પેનલમાં નિખિલ આનંદ, ઉર્વશી રૌતેલા, વિયેતનામી સ્ટાર ગુયેન કિન્હ, ફેશન ફોટોગ્રાફર રેયાન ફર્નાન્ડિસ અને ઉદ્યોગપતિ રાજીવ શ્રીવાસ્તવનો સમાવેશ થાય છે.
અભિનેત્રી અને મિસ યુનિવર્સ ઇન્ડિયા 2015 ઉર્વશી રૌતેલાએ તેના વિચારો વ્યક્ત કર્યા હતા. ઉર્વશી રૌતેલાએ કહ્યું કે, વિજેતાઓ અદ્ભુત છે. તેઓ મિસ યુનિવર્સમાં આપણા દેશનું ખૂબ જ સારી રીતે પ્રતિનિધિત્વ કરશે અને મને આશા છે કે ભારત આ વર્ષે ફરીથી મિસ યુનિવર્સનો તાજ જીતશે. બધી છોકરીઓ મહેનતુ છે, તે સમર્પિત છે. અને ખૂબ જ સુંદર."
ગુજરાતની 19 વર્ષીય બ્યુટી ક્વીન રિયા સિંઘા માત્ર એક મોડલ જ નહીં પરંતુ એક્ટર અને સ્ટુડન્ટ પણ છે. GLS યુનિવર્સિટીમાં પરફોર્મિંગ આર્ટનો અભ્યાસ કરતી રિયા યુનિવર્સિટીની એમ્બેસેડર તરીકે પણ કામ કરે છે. મોડેલિંગની દુનિયામાં રિયાની સફર 2020માં શરૂ થઈ હતી. જ્યારે તેણે 16 વર્ષની ઉંમરે મિસ દીવા ગુજરાતનો ખિતાબ જીત્યો હતો. તેણે વર્ષ 2023 માં ઈન્ટરનેશનલ કરિયરમાં એન્ટ્રી કરી હતી.
તેણે મેડ્રિડ, સ્પેનમાં મિસ ટીન યુનિવર્સ 2023 સ્પર્ધામાં ભારતનું પ્રતિનિધિત્વ કર્યું, જ્યાં તેણે 25 સ્પર્ધકોમાંથી ટોચના 6 માં સ્થાન મેળવ્યું. પાછળથી, એપ્રિલ 2023 માં, તે મુંબઈમાં એક મોટી ઇવેન્ટ, જોય ટાઇમ્સ ફ્રેશ ફેસ સીઝન 14 માં રનર-અપ હતી. મિસ યુનિવર્સ ઇન્ડિયા 2024 ના ખિતાબ સાથે, રિયા સિંઘા હવે આ વર્ષના અંતમાં યોજાનારી મિસ યુનિવર્સ 2024 સ્પર્ધામાં ભારતનું પ્રતિનિધિત્વ કરવાની તૈયારી કરી રહી છે.
સોશિયલ મીડિયા ઉપર પણ તે ખુબ એક્ટિવ રહે છે અને તેના ઈન્સ્ટાગ્રામ પર 40 હજારથી વધુ ફોલોઅર્સ છે. પોતાની બોલ્ડનેસ અને સુંદરતાને લઈને ચર્ચામાં રહે છે. ફેન્સ પણ તેને ખુબ પસંદ કરે છે.
રિયા સિંઘાએ મિસ યુનિવર્સ ઈન્ડિયાનો તાજ જીત્યા બાદ આ તાજ ઉર્વશી રૌતેલાએ તેને પહેરાવ્યો. ઉર્વશી રૌતેલાએ 10 વર્ષ પહેલા આ તાજ પોતાના નામે કર્યો હતો. તે 2015માં મિસ યુનિવર્સ ઈન્ડિયા બની હતી. આવામાં તે જજ તરીકે આ ઈવેન્ટમાં પહોંચી હતી અને રિયાને જીત બાદ આ તાજ તેણે પોતાના હાથે પહેરાવ્યો હતો.