Dark Neck Remedy: ગરદન પર જામેલા મેલને મિનિટોમાં સાફ કરી શકે છે રસોડાની આ વસ્તુઓ, ટ્રાય 5 માંથી કોઈ એક
ચેહરાની સુંદરતા વધારવા માટે જે ચણાના લોટનો ઉપયોગ થાય છે તે ગરદનને પણ સુંદર બનાવી શકે છે. ચણાના લોટની પેસ્ટ બનાવીને ગરદન પર લગાડવાથી મેલ દૂર થાય છે. ચણાના લોટમાં હળદર અને લીંબુનો રસ પણ મિક્સ કરી શકાય છે.
ટમેટા પણ ગરદન પર જામેલા મેલને દૂર કરવા માટે ફાયદાકારક છે. ટમેટા નેચરલ બ્લીચ જેવું કામ કરે છે. તમે ટમેટા ને નિયમિત ગરદન પર લગાડશો તો અનુભવશો કે સ્કીનની કાળાશ ધીરે ધીરે ઓછી થવા લાગી છે. તેના માટે ટમેટાના રસ ને 20 મિનિટ માટે ગરદન પર લગાડી રાખવો.
બેકિંગ સોડા પણ ગરદન પરના મેલને અસરકારક રીતે દૂર કરે છે. તેના માટે પહેલા બેકિંગ સોડામાં થોડું પાણી ઉમેરી પેસ્ટ બનાવી લેવી. આ પેસ્ટને ગરદન પર લગાડી 15 મિનિટ પછી પાણીથી સાફ કરી લેવી.
કાચું દૂધ પણ ત્વચા માટે ફાયદાકારક છે. કાચું દૂધ ચહેરાની ટેનિંગને દૂર કરવાની સાથે ગરદનનો મેલ પણ ઝડપથી દૂર કરે છે. જો તમે એક મહિના સુધી રોજ ગરદન પર કાચું દૂધ લગાડો છો તો તમને ફાયદો જોવા મળશે.
એલોવેરા ડાર્ક સ્કીન માટે પણ લાભકારી છે. તેનો ઉપયોગ કરવાથી ત્વચાનો રંગ ખીલે છે. તેને નિયમિત લગાડવાથી ગરદનની કાળી ત્વચા દુર થઈ જાય છે.