How much paint is needed to paint White House: વ્હાઇટ હાઉસને `સફેદ` રાખવા વપરાય છે કેટલો રંગ? જાણીને ચોંકી જશો!

વ્હાઇટ હાઉસ એ છે જ્યાં અમેરિકાના રાષ્ટ્રપતિ તેમના પરિવાર સાથે રહે છે, એટલે કે તેમનું સત્તાવાર નિવાસસ્થાન. જો કે પહેલા તેને પ્રેસિડેન્ટ પેલેસ અને પ્રેસિડેન્ટ હાઉસ કહેવામાં આવતું હતું, પરંતુ 1901થી તેનું નામ વ્હાઇટ હાઉસ રાખવામાં આવ્યું હતું.

જો કે તમામ દેશોના વડાપ્રધાન અને રાષ્ટ્રપતિના રહેઠાણ આલીશાન અને ખૂબ મોટા છે, પરંતુ અમેરિકન રાષ્ટ્રપતિના ઘર એવા વ્હાઇટ હાઉસની ભવ્યતા અલગ છે. 6 માળના વ્હાઇટ હાઉસમાં 132 રૂમ, 35 બાથરૂમ, 412 ગેટ, 147 બારીઓ, 28 ફાયર પ્લેસ, 8 સીડી અને 3 એલિવેટર્સ છે.

વ્હાઇટ હાઉસ 3 મુખ્ય ભાગોમાં વહેંચાયેલું છે. તેમાં ઇસ્ટ વિંગ, વેસ્ટ વિંગ અને એક્ઝિક્યુટિવ રેસિડેન્સનો સમાવેશ થાય છે. રાષ્ટ્રપતિ અને તેમનો પરિવાર 6 માળની ઇમારતના બીજા માળે રહે છે. બાકીનો ભાગ ઇવેન્ટ્સ, મહેમાનો અને બિલ્ડિંગ સ્ટાફ માટે છે.

નામ સૂચવે છે તેમ, વ્હાઇટ હાઉસ તેના રંગ માટે જાણીતું છે. વ્હાઇટ હાઉસને સફેદ રંગવા માટે 570 ગેલન રંગની જરૂર પડે છે. એટલે કે 2 હજાર લિટરથી વધુ રંગ.

મળતી માહિતી મુજબ વ્હાઇટ હાઉસને વ્હીસ્પર વ્હાઇટ કલરથી રંગવામાં આવ્યું છે. સામાન્ય રીતે વ્હાઇટ હાઉસને દર 4 થી 6 વર્ષે રંગવામાં આવે છે. તેને રંગવા માટે, ખાસ પ્રકારના પેઇન્ટનો ઉપયોગ કરવામાં આવે છે જે તેમાં ભીનાશને એકઠા થવા દેતું નથી.