PHOTOs: કેટલી સંપત્તિની માલિક છે અદાણી પરિવારની નાની વહૂ દીવા શાહ; ટૂંક સમયમાં કરશે લગ્ન
જીત અદાણીની પ્રી વેડિંગ આજથી શરૂ થઈ રહ્યું છે. જીત અને દીવાની સગાઈ પ્રાઈવેટ રીતે ખુબ સામાન્ય પ્રોગ્રામમાં થઈ હતી. આ સમયગાળા દરમિયાન ઘણા મહેમાનોએ ભાગ લીધો ન હતો. પરંતુ હવે તેમના લગ્ન અને પ્રી વેડિંગને લઈને ઘણી ચર્ચાઓ ચાલી રહી છે. દીવાના પિતા જૈમિન શાહ સુરતના મોટા હીરા વેપારી છે અને આ તેમની દીકરી છે.
જૈમિન શાહ સી દિનેશ એન્ડ કંપની પ્રાઈવેટ લિમિટેડના માલિક છે. તેમનો બિઝનેસ સુરતથી મુંબઈ સુધી ફેલાયેલો છે. દીવા સોશિયલ મીડિયા પર સૌથી વધુ એક્ટિવ રહે છે. મીડિયા રિપોર્ટ અનુસાર દીવાને બિઝનેસ અને ફાઈનાન્સનું સારું એવું નોલેજ છે. તે પોતાના પિતાને બિઝનેસમાં હેલ્પ કરે છે. દીવાની કમાણીને લઈને કોઈ સાચી માહિતી કે આંકડા તો નથી. પરંતુ એવી આશા વ્યક્ત કરવામાં આવી રહી છે કે દીવા જૈમિન કરોડોની માલિક છે.
સી દિનેશ એન્ડ કંપની પ્રાઈવેટ લિમિટેડની શરૂઆત 1976માં થઈ હતી. આ ડાયમંડ કંપની મુંબઈ અને સુરતમાં ચાલે છે. તેની શરૂઆત ચિનૂ દોશી અને દિનેશ શાહે કરી હતી. બાદમાં સી દિનેશ એન્ડ કંપની પ્રાઈવેટ લિમિટેડે ટીમને મજબૂત કરી. તેમાં જિગર દોશી, અમિત દોશી, યોમેશ શાહ અને જૈમિન શાહ કંપનીની રોજની ગતિવિધિઓમાં સામેલ થયા.
જીત અદાણીએ પેન્સિલ્વેનિયા યુનિવર્સિટીમાંથી એન્જિનિયરિંગ અને એપ્લાઇડ સાયન્સ સ્કૂલમાંથી અભ્યાસ કર્યો. તે 2019માં અદાણી ગ્રુપમાં સામેલ થયા અને હાલના સમયમાં ગ્રુપ ફાઈનાન્સના વાઈસ પ્રેસીડન્ટ છે. તેમણે પોતાનું કરિયર ગ્રુપ સીએફઓની ઓફિસથી શરૂ કર્યું.
અદાણી ગ્રુપની વેબસાઈટ અનુસાર જીત અદાણી ગ્રુપના તમામ કસ્ટમરની જરૂરિયાતોને પુરી કરવા માટે એક સુપર એપ બનાવવા માટે તૈયાર અદાણી ડિજિટલ લેબ સિવાય અદાણી એરપોર્ટ્સ બિઝનેસનનું પણ નેતૃત્વ કરી રહ્યા છે. અદાણીના મોટા પુત્ર કરણ અદાણીએ પરિધિ શ્રોફ સાથે લગ્ન કર્યા છે, જે અદાણી ગ્રુપની લીગલ મામલાને હેન્ડલ કરે છે.