Banana Storage Tips: ફ્રિજ વિના પણ કેળાને દિવસો સુધી રાખી શકો છો ફ્રેશ, આ રીતે કરવા સ્ટોર

કેળા ને લાંબા સમય સુધી ફ્રેશ રાખવા માટે કેળાની ઉપરનો જે ભાગ હોય તેની ચારે તરફ પ્લાસ્ટિકની સેલોટેપ કે પ્લાસ્ટિકને રેપ કરીને રાખી દો. આ રીતે કેળા રાખશો તો દિવસો સુધી તે કાળા નહીં પડે.

કેળા ખરાબ ન થઈ જાય તે માટે વેપારીઓ પણ તેને લટકાવીને રાખતા હોય છે. તમારે ઘરે પણ બસ આ જ કામ કરવાનું છે. કેળાના ગુચ્છા ને દોરી વડે બાંધીને રસોડામાં ટાંગીને રાખો તેનાથી કેળા લાંબા દિવસો સુધી ખરાબ નથી થતા.

જો તમે કેળાને તાજા રાખવા માંગો છો તો બજારમાંથી વિટામીન સીની ટેબલેટ લઈ આવો અને એક ગ્લાસ પાણીમાં તેને પલાળી દો. હવે કેળાને એક એક કરીને આ પાણીમાં પલાળીને રાખી દો. 

કેળાને ઘણા દિવસો સુધી ફ્રેશ રાખવા હોય તો વેક્સ પેપરનો ઉપયોગ કરી શકાય છે. વેક્સ પેપરમાં કેળા વીંટીને અથવા તો કેળા ઉપર વેક્સ પેપર ઢાંકીને રાખવાથી કેળા ઝડપથી ખરાબ થતા નથી.