Lemon: લીંબુમાં રસ છે કે નહીં આ ટ્રીકથી જાણો, આ રીતે ખરીદશો લીંબુ તો નહીં છેતરાવ ક્યારેય

લીંબુ ખરીદો ત્યારે તેની છાલ પર ધ્યાન આપો. પાતળી અને ચમકદાર છાલ હોય તેવા લીંબુમાં રસ વધારે હોય છે. તેનાથી વિરુદ્ધ જાડી છાલના અને ખરબચડા લીંબુ રસ વિનાના હોય છે. 

જો લીંબુ રસથી ભરપૂર હોય તો તેનું વજન સૂકા લીંબુની સરખામણીમાં વધારે હોય છે. તેથી હંમેશા વધારે વજન હોય તેવા લીંબુ પસંદ કરવા. લીંબુનું વજન વધારે એટલે રસ પણ વધારે. 

લીંબુ ખરીદો ત્યારે તેને હાથથી થોડા દબાવીને ચેક કરો. જો લીંબુમાં રસ હશે તો લીંબુ સોફ્ટ હશે. જો લીંબુ કડક હોય તો તેમાં રસ નથી હોતો. અંદરથી રસ વિનાના અને ડ્રાય લીંબુ કડક હોય છે. 

માર્કેટમાં લીલા અને પીળા એમ બે રંગના લીંબુ મળે છે. તમારે રસવાળા લીંબુ ખરીદવા હોય તો પીળા રંગના લીંબુ જ પસંદ કરવા. પીળા લીંબુમાં સુગંધ અને રસ બંને વધારે હોય છે.