આવી રહી છે Hyundai ની પ્રથમ ઇલેક્ટ્રિક SUV, દમદાર છે લુક, જાણો લોંચ ડેટ
સાઉથ કોરિયાઇ કાર નિર્માતા કંપની હ્યુંડાઇ આ વર્ષે ભારતીય બજારમાં પોતાની પહેલી ઇલેક્ટ્રિક એસયૂવી કાર લોંચ કરવા જઇ રહી છે. આ કારને પહેલીવાર જિનીવા મોટર શોમાં જોવામાં આવી હતી. હ્યુંડાઇ કોના કંપનીની પહેલી એવી ઇલેક્ટ્રિક એસયૂવી કાર છે, જે પહેલીવાર ભારતમાં લોંચ થશે. આ પહેલાં આ કારની એક ઝલક ઓટો એક્સપો 2018માં જોવા મળી હતી. આશા વ્યક્ત કરવામાં આવી રહી છે કે આ કાર નવેમ્બરના મહિનામાં લોંચ કરવામાં આવી શકે છે.
હ્યુંડાઇ કોના એસયૂવી પહેલાંથી ઇન્ટરનેશનલ માર્કેટમાં વેચાઇ રહી છે. આ કારના ઇલેક્ટ્રિક મોટરની પાવર 131 બીએચપી છે. આ એંજીન 359 ન્યૂટન મીટરની ટોર્ક જનરેટ કરે છે. કંપનીનો દાવો છે કે ફૂલ ચાર્જ પર આ ગાડી 300 કિમી સુધી ચાલી શકશે. હજુ સુધી કિંમતનો ખુલાસો થયો નથી. જોકે ભારતીય બજારમાં તેની કિંમત 13-18 લાખ વચ્ચે હોઇ શકે છે.
કારમાં 17 ઇંચ એલાય વ્હીલ, ડિજિટલ ડેશબોર્ડ, 7 ઇંચ ટચસ્ક્રીન ઇંફોટેનમેંટ સિસ્ટમ, હીટેડ સીટો, અડેપ્ટિવ ક્રૂજ કંટ્રોલ, લેન સેટરિંગ સિસ્ટમ, રિયર ક્રોસ ટ્રાફિક એલર્ટ અને ઓટોમેટિક ઇમરજન્સી બ્રેકીંગ વગેરે દમદાર ફીચર્સ છે.
હ્યુંડાઇનું કહેવું છે કે આ ગાડી 1 કલાકમાં 80 ટકા સુધી ચાર્જ થઇ જશે પરંતુ તેના માટે તેમાં 100 કિલો વોટ ડીસીનું ફાસ્ટ ચાર્જર લગાવવું પડશે. નોર્મલ એસ પોઇંટમાં આ ગાડી 6 કલાક સુધી ચાલશે.
ઇલેક્ટ્રિક એસયૂવી કાર 9.3 સેકેંડમાં 0 થી 100 કિ.મી પ્રતિ કલાકની ઝડપ પકડવામાં સક્ષમ છે. કારની ટોપ સ્પીડ 167 કલાક પ્રતિ કલાક છે. આ કારને એયરોડાયનૈમિકલી પણ ડિઝાઇન કરવામાં આવી છે.
આ કાર ભારતમાં સીકેડી રૂટ પરથી લાવવામાં આવશે અને પછી તેને ચેન્નઇ સ્થિત કંપનીના કારખાનામાં એસેંબલ કરવામાં આવશે. હ્યુંડાઇએ વર્ષ 2020 સુધી ભારતમાં 8 કારો લાવવાની યોજના બનાવી છે જેમાં કોના પણ સામેલ છે.
હ્યુંડાઇ કોનાને ભારતીય ઓટો બજારમાં કેટલીક પસંદગીના સ્થળો પર જ વેચવાની યોજના છે. દિલ્હી, મુંબઇ જેવા મહાનગરો ઉપરાંત તેમાં વધુ કેટલાક શહેર સામેલ થઇ શકે છે.