અગર ઈસ ધરતી પર કહીં પર ઝન્નત હૈ તો...વો યહીં હૈ...યહીં હૈ...યહીં હૈ...જુઓ ધરતી પરના સ્વર્ગની તસવીરો

પૃથ્વી પરનું સ્વર્ગ કાશ્મીર ઠંડીની મોસમમાં વધુ સુંદર બની જાય છે. હિમવર્ષા પછી અહીંનો નજારો જોવા જેવો છે. આવો અમે તમને કાશ્મીરમાં હિમવર્ષાનો સુંદર નજારો બતાવીએ.

કાશ્મીરની ઉપરની પહાડીઓ, પર્યટન સ્થળો ગુલમર્ગ અને સોનમર્ગમાં હિમવર્ષા ચાલુ છે. મેદાની વિસ્તારોમાં વરસાદ પડી રહ્યો છે. હિમવર્ષાના કારણે કાશ્મીરમાં ઘણા રસ્તાઓ બંધ થઈ ગયા છે.

ગુલમર્ગ, સોનમર્ગ અને દૂધપથરી સહિત અનેક પર્યટન સ્થળો અને ટેકરીઓ પર ગુરુવારે હિમવર્ષા થઈ હતી. શ્રીનગર અને મેદાની વિસ્તારોમાં વરસાદ જોવા મળ્યો છે. હિમવર્ષા અને વરસાદને કારણે તાપમાનમાં ભારે ઘટાડો નોંધાયો છે.

હવામાન વિભાગે શુક્રવારે પણ ઘણી જગ્યાએ હળવાથી મધ્યમ વરસાદ અને ઊંચાઈવાળા વિસ્તારોમાં હળવો હિમવર્ષા થવાની આગાહી કરી છે. શ્રીનગરમાં લઘુત્તમ તાપમાન 5.3 ડિગ્રી સેલ્સિયસ નોંધાયું હતું.

તાજી હિમવર્ષા અને વરસાદને કારણે મુગલ રોડ સહિત અનેક રસ્તાઓ વાહન વ્યવહાર માટે બંધ કરી દેવામાં આવ્યા છે. આ સાથે ખીણમાં આવતા પ્રવાસીઓને હિમવર્ષાએ મંત્રમુગ્ધ કરી દીધા છે.