જુનાગઢઃ ભારે વરસાદથી ઘેડ પંથક મુશ્કેલીમાં, અનેક ગામોમાં પાણી ઘૂસ્યા, ખેતીના પાકને નુકસાન
જૂનાગઢ જિલ્લાના કણઝા ગામમાં નિચાણવાળા વિસ્તારોમાં પાણી ઘૂસ્યા છે. લોકોના ઘરમાં પણ પાણી ભરાયા છે. તો સૌથી વધુ માલધારીઓ મુશ્કેલીમાં છે. તેઓ પોતાના ઢોરને સુરક્ષિત સ્થળે ખસેડવા માટે જહેમત ઉઠાવી રહ્યાં છે.
અનેક લોકોના ઘરમાં પાણી ભરાવાને કારણે નુકસાન પણ થયું છે. ઘરવખરીને મોટા પાયે નુકસાન થયું છે. ગ્રામ લોકો મેઘરાજા વિરામ લે તે રાહ જોઈ રહ્યાં છે.
જુનાગઢ જિલ્લામાં ભારે વરસાદને કારણે વંથલી પંછકમાં આવેલ વિયર ડેમ પણ ઓવરફ્લો થયો છે. ડેમ ઓવરફ્લો થતાં આસપાસના ગ્રામ્ય વિસ્તારોને એલર્ટ કરી દેવામાં આવ્યા છે.
જિલ્લામાં ભારે વરસાદને કારણે ઘેડ વિસ્તારના ગામોમાં પાણી-પાણી જોવા મળી રહ્યું છે. ઓઝત નદીના પાણી ઘેડ પંથકમાં ફરી વળ્યા છે. ખેડૂતોના ખેતરોમાં પાણી ભરાતા તેમને પણ નુકસાનની ભીતી સેવાઇ રહી છે.
ઘેડ વિસ્તારના ઓસા, શર્મા, ફૂલરામા, પાદરડી, ઘોડાદાર, સામરડી, સાંઢા સહિતના ગામો બેટમાં ફેરવાયા છે.