45 યાત્રીઓને ગાઝીપુર લઇ જતી બસમાં અચાનક લાગી આગ અને...
જણાવવામાં આવી રહ્યું છે કે, ગાઝીપુર ડેપોમાં ચાલતી રોડવેઝ બસમાં એન્જિનમાં શોર્ટ સર્કિટથી આગ લાગી હતી. બસમાંથી બધા યાત્રીઓ બહાર નીકળ્યા, ત્યારપછી આગે વિકરાળ સ્વરૂપ ધારણ કરતા આખી બસ બળી ગઈ હતી.
ડ્રાઇવર અને ઑપરેટરએ આગ પર કાબુ મેળવવાનો પ્રયત્ન કર્યો, પરંતુ સફળ થયા ન હતા. ફાયર બ્રિગેડની ટીમે સ્થળ પર પહોંચી બે ગાડીઓની મદદથી અડધા કલાકમાં આગ પર કાબુ મેળવી લીધો હતો. જણાવવામાં આવી રહ્યું છે કે, ગાઝીપુર ડેપોની બસ મથુરાથી ગાઝીપુર 45 યાત્રીઓને લઇને જઇ રહી હતી.
મહારાજપુરમાં ઓવર બ્રિજ ઉતરતા સમયે રાત્રે લગભગ 9:15 વાગે બસના એન્જિનમાં આગ લાગી હતી. ડ્રાઇવરે ચતુરાઇથી તાત્કાલીક બસ રોકતા યાત્રીઓમાં અફરા-તફરી મચી ગઇ હતી. બધા પોત પોતાનો સામાન બસમાંથી છોડી બહાર આવી ગયા હતા.
ઘટના બાદ 40 મિનિટ સુધી ટ્રાફિક જામ રહ્યો હતો. તે દરમિયાન ફતેહપુર તરફ જતા લેનમાં ટ્રાફિક જામ સર્જાયો હતો. ઘટનામાં કોઇ જાનહાની થઇ નથી. શોટ સર્કિટથી આગ લાગી હતી.