Survey: બોમ્બઈ કે પછી સિદ્ધારમૈયા...કર્ણાટકમાં મુખ્યમંત્રીના ચહેરા માટે કોણ છે પહેલી પસંદ

સર્વે મુજબ ઉમરલાયક મતદારો વચ્ચે સિદ્ધારમૈયા પહેલી પસંદ છે જ્યારે બોમ્મઈ યુવા મતદારોની પસંદ જોવા મળી રહી છે. 

સર્વેનો આ બીજો ભાગ છે. પહેલો ભાગ 1 મે 2023ના રોજ પ્રકાશિત થયો હતો. અત્રે જણાવવાનું કે પૂર્વ મુખ્યમંત્રી અને કોંગ્રેસના નેતા સિદ્ધારમૈયા મૈસૂરના વરુણા વિધાનસબા બેઠકથી ચૂંટણી લડી રહ્યા છે. જ્યારે બસવરાજ બોમ્મઈ શિગગાંવ મતવિસ્તારમાંતી ચૂંટણી મેદાનમાં છે. 

સિદ્ધારમૈયાએ ચૂંટણી પ્રચાર દરમિયાન કહ્યું હતું કે આ તેમની છેલ્લી ચૂંટણી છે. ત્યારબાદ તેઓ રાજકારણ છોડી દેશે. 

સિદ્ધારમૈયા 3મી મે 2013થી 17 મે 2018 સુધી કર્ણાટકમાં મુખ્યમંત્રી પદે રહ્યા હતા. વર્ષો સુધી જનતા પરિવારના વિવિધ જૂથોના સભ્ય રહ્યા. કોંગ્રેસમાં સામેલ થતા પહેલા તેઓ જનતા દળ (સેક્યુલર)ના નેતા તરીકે બે વાર કર્ણાટકના મુખ્યમંત્રી રહ્યા હતા. 

બસવરાજ બોમ્મઈ વિશે વાત કરીએ તો લિંગાયત નેતા બસવરાજ બોમ્મઈનો જન્મ 28 જાન્યુઆરી 1960ના રોજ થયો હતો. તેઓ જળ સંસાધન અને સહયોગ મંત્રાલયની સાથે સાથે હવેરી અને ઉડ્ડુપી જિલ્લાના પ્રભારી મંત્રી તરીકે કામ કરી ચૂક્યા છે. મિકેનિકલ એન્જિયનિરિંગમાં ગ્રેજ્યુએટ બસવરાજ બોમ્મઈએ પોતાની રાજકીય કારકિર્દીની શરૂઆત જનતા દળ સાથે  કરી હતી. 

બોમ્મઈ બી એસ યેદિયુરપ્પાની નીકટ ગણાય છે. તેમના  પિતા એસ આર બોમ્મઈ પણ કર્ણાટકના મુખ્યમંત્રી રહી ચૂક્યા છે. બોમ્મઈ 2018માં ભાજપમાં જોડાયા હતા. 2008ની કર્ણાટક વિધાનસભા ચૂંટણીમાં તેઓ હાવેરી જિલ્લાના શિગગાંવમાંથી ચૂંટાઈ આવ્યા હતા. આ સર્વે માટે કર્ણાટકના 21 વિધાનસભા વિસ્તારોના 82 મતદાન કેન્દ્રોમાંથી કુલ 2143 લોકો સાથે વાત કરાઈ.