અમદાવાદ: બોપલના એક ફ્લેટ પર વીજળી પડ્યાનો વીડિયો વાયરલ, જુઓ તસવીરો

પ્રાપ્ત માહિતી અનુસાર, સાઉથ બોપલમાં આવેલા સારથ્ય હોમ્સના બ્લોક-A પર આજે સવારે વીજળી પડી હતી. હાલ જેનો વીડિયો સોશિયલ મીડિયામાં વાયરલ થઇ રહ્યો છે. 

વીજળી પડવાના કારણે ફ્લેટના ધાબાની કોટ દિવાલના એક ખૂણે પડી હતી. જેના કારણે દિવાલનો એક ખૂણો તૂટી ગયો હતો.

આ અંગે સ્થાનિકોએ જણાવ્યું હતું કે, વીજળી પડવાના કારણે ફ્લેટની લિફ્ટ બંધ થઇ ગઇ હતી અને કેટલાક ઘરોમાં ઇલેક્ટ્રીકના સાધનોને પણ નુકસાન થયું છે.

આ ઘટના બાદ સ્થાનિકોએ આક્ષેપ કર્યો છે કે, બિલ્ડિંગ ઉપર અર્થિગ માટે કોઈ વ્યવસ્થા ન હોવાથી વીજળી પડવાને કારણે દિવાલમાં નુકસાન થયું છે.

તેમજ વીજળીથી ચાલતા સાધનોને પણ નુકસાન થયું છે. વીજળી પડવાથી આજે ફાયર એલાર્મ પણ શરૂ થઇ ગયું હતું અને લોકો ડરના માર્યા ઘરોમાંથી નીચે દોડીને આવ્યા હતા.