હીરો, વિલન અને પોલીસ બધા જ વાપરે છે આ ગાડી! રસ્તા પર નીકળશો તો જોતા રહેશે લોકો

મહિન્દ્રા બોલેરોની કિંમત રૂ. 9.78 લાખથી શરૂ થાય છે અને રૂ. 10.79 લાખ (એક્સ-શોરૂમ, દિલ્હી) સુધી જાય છે. બોલેરો B4, B6 અને B6 (O) વેરિઅન્ટમાં ઉપલબ્ધ છે. આ 7 સીટર SUV છે.

ફેબ્રુઆરી 2023માં, બોલેરો કંપનીની સૌથી વધુ વેચાતી એસયુવી હતી. કંપનીએ કુલ 9,782 યુનિટ્સનું વેચાણ કર્યું હતું. જો કે, આ વેચાણમાં બોલેરો અને બોલેરો નિયો બંનેના આંકડા સામેલ છે.

Mahindra Bolero mHawk D75 1.5 લિટર ડીઝલ એન્જિન સાથે આવે છે, જે 76PS પાવર અને 210 Nm ટોર્ક જનરેટ કરે છે. તેમાં 5-સ્પીડ મેન્યુઅલ ગિયરબોક્સનો વિકલ્પ મળે છે. તે ટુ-વ્હીલ ડ્રાઇવ કાર છે.

ફીચર્સ વિશે વાત કરીએ તો તે ખૂબ જ બેઝિક ફીચર્સ સાથે આવે છે. બોલેરોમાં ડિજિટલ ઇન્સ્ટ્રુમેન્ટ ક્લસ્ટર, AUX અને USB કનેક્ટિવિટી સાથે બ્લૂટૂથ-સક્ષમ મ્યુઝિક સિસ્ટમ, મેન્યુઅલ AC અને પાવર સ્ટીયરિંગ જેવી સુવિધાઓ છે.

સલામતી માટે, તે સ્ટાન્ડર્ડ તરીકે ડ્યુઅલ ફ્રન્ટ એરબેગ્સ, પાછળના પાર્કિંગ સેન્સર્સ, સ્પીડ એલર્ટ અને ABS જેવા ફીચર્સ સાથે આવે છે.