BIG BOSS ફેઈમ NIKKI TAMBOLI ફરી આવી ચર્ચામાં, જુઓ કોની સાથે કરી રહી છે ડેટ

નિક્કી તંબોલી યુવાવર્ગમાં સૌથી લોકપ્રિય ગાયિકા નેહા કક્કરના ભાઈ ટોની કક્કરને ડેટ કરી રહી હોવાની ચર્ચાએ સોશિયલ મીડિયામાં જોર પકડ્યું છે. નેહા કક્કરના ભાઈ ટોની કક્કર પણ એક પછી એક ગીતો લોન્ચ કરે છે. ટોની કક્કરની હાલમાં નિક્કી તંબોલી સાથે નજદીકી વધી છે. સૂત્રોની માહિતી મુજબ નિક્કી તંબોલી ટોની કક્કરને ડેટ કરી રહી છે.

બોલિવુડ રિપોર્ટસ અનુસાર નિક્કી તંબોલી અને ટોની કક્કર હાલ ઈન્ડસ્ટ્રીના નવા કપલ છે. નિક્કી તેનો મ્યુઝિક વીડિયો ટોની કક્કર સાથે બનાવી રહી છે. નિક્કી તંબોલી ટોની કક્કરના જૂના ગીત પર ડાન્સ કરતી હોય તેવો વીડિયો પણ સોશિયલ મીડિયામાં છવાયો હતો. નિક્કી તંબોલીએ ટોની કક્કરના ફોટા પર એક કોમેન્ટ કરી જેને લઈ સોશિયલ મીડિયામાં અનેક તર્ક-વિતર્ક સર્જાયા. નિક્કીએ કોમેન્ટમાં લખ્યું- 'ઈતની ક્યૂટ ક્યોં હો?'

ઘણા દિવસોથી નિક્કી તંબોલી અને ટોની કક્કર એકબીજા પર ઘણો પ્રેમ વરસાવી રહ્યા છે અને સોશિયલ મીડિયામાં તેના ફોટા શેર કરી રહ્યા છે.બંને એકબીજાના ફોટા પર પણ ઘણી કોમેન્ટ કરતા હોય છે. બંનેએ હજી સંબંધનો સ્વીકાર કર્યો નથી

બિગ બોસ સિઝન 14ની ફાઈનલિસ્ટ નિક્કી તંબોલી શોમાંથી બહાર આવ્યા બાદ મ્યુઝિક વીડિયોના શુટિંગમાં વ્યસ્ત છે. નિક્કી તંબોલીએ તેનો પહેલો મ્યુઝિક વીડિયો 'બર્થ ડે પાવરી' જાણીતા મ્યુઝિક કમ્પોસર મીત બ્રધર્સ સાથે બનાવ્યો. સોશિયલ મીડિયામાં આ વીડિયો ખૂબ લોકપ્રિય રહ્યો. બિગ બોસ પહેલા નિક્કી તંબોલી કેટલીક સાઉથની ફિલ્મોમાં જોવા મળી હતી.