હવે દિલ્હીમાં દોડશે T-18 જેવી હાઈટેક MEMU ટ્રેન, જૂઓ તસવીરોમાં વિશેષતાઓ
નવી MEMU ટ્રેનમાં બાયો ટોઈલેટનો ઉપયોગ કરવામાં આવ્યો છે. તેના કારણે પાટા ઉપર ગંદકી નહીં ફેલાય અને ટોઈલટને સ્વચ્છ રાખવામાં પણ મદદ મળશે.
આ ટ્રેનમાં ડબલ લીફ સ્લાઈડિંગ દરવાજાનો ઉપયોગ કરાયો છે. એટલે કે એ તરફનો દરવાજો બંને તરફ (ડાબી અને જમણી બાજુ) ખુલશે. આ દરવાજાએ ટ્રેનની સુંદરતાને ચાર ચાંદ લગાવી દીધા છે.
ડ્રાઈવરની કેબિનને પણ અત્યંત સુંદર અને વધુ હાઈટેક બનાવાઈ છે. તેમાં વધુ સ્પેસ આપવામાં આવી છે. એન્જિનને નીચે રાખવામાં આવ્યું છે અને કેબિનમાં માત્ર ઓપરેશન સિસ્ટમ ફીટ કરેલી છે. હવે ડ્રાઈવરને હરવા-ફરવા માટે વધુ સ્પેસ મળશે.
ટ્રેનનું ઈન્ટિયર પર પ્રવાસીઓની અનુકૂળતાને ધ્યાનમાં રાખીને બનાવાયું છે. ટ્રેનને દિલ્હી રવાના કરતા પહેલાં તેનું છેલ્લું નિરીક્ષણ કરાયું હતું.
નવી MEMUમાં GPS આધારિત ડિસ્પ્લે બોર્ડ મુકવામાં આવ્યું છે. જીપીએસની મદદથી દરેક ક્ષણની અને દરેક મૂવમેન્ટની માહિતી આ ડિજિટલ બોર્ડ પર મુસાફરોને મળતી રહેશે. આથી ટ્રેનને ટ્રેસ કરવું પણ સરળ બની જશે.
નવી MEMUમાં મુસાફરોને સામાન મુકવા માટે એલ્યુમિનિયમનું લગેજ રેક બનાવાયું છે. તે વધુ મજબૂત અને સ્પેશિયસ છે. તેમાં વધુ સામાન મુકી શકાશે.
ટ્રેનના ઓપરેશનલ ભાગ સિવાય એન્જિનનો મોટો ભાગ ટ્રેનના કોચના નીચે ફીટ કરાયો છે. આથી ટ્રેનનો અવાજ પણ વધુ નહીં આવે.
નવી MEMU ટ્રેન બહારથી કંઈક આવી દેખાય છે.
નવી MEMUમાં મુસાફરોને બેસવા માટેની સીટને વધુ પહોળી બનાવાઈ છે. મુસાફરોને આરામદાયક્તાને પ્રાથમિક્તા આપવામાં આવી છે. ઈન્ટિરિયર પણ એવી રીતે ડિઝાઈન કરાયું છે કે મુસાફરોને વધુ જગ્યા મળે.
નવી વિન્ડોને વધુ સુરક્ષિત અને કવર્ડ બનાવાઈ છે. જો ગ્લાસ વિન્ડોને સ્લાઈડ કરીને ઉપર ખસેડી દેવામાં આવે તો પણ બારીમાંથી અંદર ઘુસી જવું સરળ નથી. તેના કારણે સુરક્ષા વધુ મજબૂત થાય છે.