ભેંસે પોતાના બચ્ચાને સિંહોથી બચાવવા આપી પોતાની કુરબાની, ફોટા જોઇને ઉડી ગયા લોકોના હોશ

એક કિસ્સો જેના વિશે તમારે જાણવું જ જોઈએ. એક ભેંસે તેના વાછરડાને બચાવવાનો પ્રયાસ કર્યો હતો જેને સિંહોના ટોળાએ પકડી લીધો હતો. સિંહોને ભગાડવાનો પ્રયાસ કરતી વખતે ભેંસનું ટોળું ગર્જના કરતું હતું અને સતત હુમલો કરતું હતું, પરંતુ વાછરડાને બદલે એક ભેંસે પોતાનું બલિદાન આપ્યું હતું.

સ્પોર્ટ્સ ફોટોગ્રાફીના શોખીન ગેવિન બ્રેટ વ્યવસાયે વકીલ છે અને તેઓ તેમની પત્ની અને બાળક સાથે દક્ષિણ આફ્રિકાના થોર્નીબુશ ગેમ રિઝર્વ (Thornybush Game Reserve) માં સફારી માટે ગયા હતા. ફેમિલી ટ્રીપ દરમિયાન તેણે એવું દ્રશ્ય જોયું કે તે પોતે પણ વિશ્વાસ ન કરી શકે. આ વીડિયો અને તસવીરો latestsightings.com દ્વારા રિલીઝ કરવામાં આવી છે.

ગેવિન બ્રેટે લખ્યું, “હું અને મારો પરિવાર મારા પિતાના 80માં જન્મદિવસની ઉજવણી કરવા માટે થોર્નીબુશની એક વિશેષ યાત્રા પર હતા. અમારા ગાઇડ લુકાસ અને અમારો ટ્રેકર એન્ડ્રુ અમને થોડા દિવસોથી રિઝર્વની આસપાસ બતાવી રહ્યા હતા અને રવિવારે સવારે આ અવિશ્વસનીય ઘટના જોવા મળી હતી."

તે દિવસે સવારે લગભગ 6:20 વાગે ભેંસોનું એક મોટું ટોળું દેખાયું. સફારી પર જતાં તેણે એક અવિસ્મરણીય ક્ષણ જોઈ. 20 મિનિટ પછી લગભગ 6:40 વાગ્યે એક ખતરનાક દ્રશ્ય જોવા મળ્યું. આ સિંહોનું ટોળું હતું જેને એક દિવસ પહેલાં જોવામાં આવ્યું હતું. સાંજે લગભગ 6:46 વાગ્યે સિંહો આગળ વધવા લાગ્યા અને ભેંસના ટોળા પર હુમલો કરવાનું નક્કી કર્યું.

ગેવિને તેનો વીડિયો કેમેરો બહાર કાઢ્યો, જ્યારે તેના બાળકો અને પત્નીએ તસવીરો લેવાનું શરૂ કર્યું. સિંહ અને સિંહણના ટોળાએ વાછરડાને નીચે ફેંકી દીધો. આ દરમિયાન ભેંસોનું ટોળું તેને બચાવવા પાછળ આવ્યું હતું. તેમાંથી વાછરડાની માતાએ સિંહો સાથે લડાઈ કરી અને પછી તેને બચાવવા માટે પોતાનો જીવ આપી દીધો.