શું ભાલો ફેંક્યો ત્યારે નશામાં હતો પાકિસ્તાનનો નદીમ? કેમ થયો ડોપ ટેસ્ટ? શું નીરજને મળશે ગોલ્ડ?
Arshad Nadeem Dope Test: ઓલિમ્પિક્સમાં ભાલા ફેંકની રમતમાં જે પાકિસ્તાની એથ્લીટે ગોલ્ડ મેડલ જીત્યો છે તેની સામે સોશિયલ મીડિયા પર થઈ રહ્યાં છે સવાલો...શું છે સાચી હકીકત જાણીને ઉડી જશે હોંશ....
Paris Olympics 2024: આ વખતે પેરિસ ઓલિમ્પિકમાં ભાલા ફેંક એટલેકે, Javelin Throw માં છેલ્લી ઘડી સુધી સામ-સામે હતા ભારત-પાકિસ્તાન. આખરે પાકિસ્તાની એથ્લીટે મારી ગોલ્ડ પર ફેંકો ભાલો. પણ મેચ બાદ તુરંત કરવામાં આવ્યો એથ્લીટનો ડોપ ટેસ્ટ. શું છે કારણ....
પાકિસ્તાનના અરશદ નદીમે પેરિસ ઓલિમ્પિક્સ 2024માં જેવલિન થ્રોનો ગોલ્ડ મેડલ તો જીત્યો, પરંતુ તેમની ઐતિહાસિક જીત પછી જ એક નવો વિવાદ ઊભો થવાના સમાચાર હાલ સોશિયલ મીડિયામાં વાયરલ થઈ રહ્યાં છે....
ગોલ્ડ જીતનાર અરશદ નદીમના ડોપ ટેસ્ટને લઈને સોશિયલ મીડિયા પર મચ્યો હંગામો. જાત જાતની વાતો સોશિયલ મીડિયા પર હાલ વહેતી થઈ છે અને ભાત ભાતના દાવાઓ પણ કરવામાં આવી રહ્યાં છે.
શું ખરેખર પાકિસ્તાની એથ્લીટના ડોપ ટેસ્ટ બાદ નીરજને મળશે ગોલ્ડ મેડલ? આખરે મેચ એટલેકે, સ્પર્ધા બાદ તુરંત જ કેમ કરવામાં આવ્યો ગોલ્ડ જીતના અરશદ નદીમનો ડોપ ટેસ્ટ? જાણો વાયરલ દાવાની શું વાસ્તવિક્તા...
વાસ્તવમાં મુકાબલા પછી અરશદ નદીમનો ડોપ ટેસ્ટ કરાવવામાં આવ્યો હતો, જેના પછી દાવો કરવામાં આવી રહ્યો છે કે પાકિસ્તાની એથ્લીટે કંઈક ખોટું પદાર્થનું સેવન કરીને 92.97 મીટર દૂર ભાલો ફેંક્યો હતો. જેવી જ આ સમાચાર ફેલાયા, તેવી જ નીરજ ચોપડાને ગોલ્ડ મેડલ આપવાની માંગ ઊઠવા લાગી. તો ચાલો જાણીએ કે આખરે આ દાવાઓમાં કેટલી સચ્ચાઈ છે.
ડોપ ટેસ્ટ દુનિયાના લગભગ બધા સ્પોર્ટ્સ ઇવેન્ટ્સમાં કરાવવામાં આવે છે. આ તપાસ સામાન્ય રીતે પેશાબ અને રક્તના માધ્યમથી કરવામાં આવે છે. તેનો ઉદ્દેશ્ય એ જાણવાનો હોય છે કે કોઈ એથ્લીટે કોઈ ડ્રગ, તાકાત વધારવાની ટેબલેટ અથવા મેડિકલ ટર્મ અનુસાર કોઈ પ્રકારની બેઈમાની કરવાનો પ્રયાસ તો નથી કર્યો. ઓલિમ્પિક્સમાં ઘણા એથ્લીટ્સ ડોપિંગના દોષી મળી ચૂક્યા છે. જ્યારે પેરિસ ઓલિમ્પિક્સ 2024માં ઈરાનના સજ્જદ સેહેન અને નાઇજીરિયાની બોક્સર સિન્થિયાને તેના દોષી જાહેર કરવામાં આવ્યા હતા.
સોશિયલ મીડિયા પર લોકો ખાસ કરીને પાકિસ્તાનના અરશદ નદીમ વિરુદ્ધ કાર્યવાહી કરવાની માંગ કરી રહ્યા છે. એક વ્યક્તિએ કહ્યું કે જ્યારે બધા લોકો 88 મીટરથી 89 મીટરની દૂરી સુધી પહોંચી શકે છે, તો નદીમે 92.97 મીટર દૂર ભાલો કેવી રીતે ફેંક્યો. જ્યારે કોઈએ અરશદની તસવીર શેર કરીને દાવો કર્યો કે તેમનો ચહેરો એવો લાગે છે જાણે તેમણે નશીલા પદાર્થનું સેવન કર્યું હોય. જોકે ઘણા લોકો પાકિસ્તાની એથ્લીટના સમર્થનમાં પણ ઉતર્યા છે, પરંતુ મોટાભાગના લોકો તેમને ટ્રોલ કરવામાં લાગ્યા છે.
વાસ્તવમાં ડોપ ટેસ્ટ કરાવવાની પ્રથા ખૂબ લાંબા સમયથી ચાલી આવે છે. ઘણી વખત મેડલ જીત્યા પછી એથ્લીટ્સનો તરત જ ડોપ ટેસ્ટ કરાવવામાં આવે છે. જેવલિન થ્રો સ્પર્ધા સમાપ્ત થયા પછી માત્ર પાકિસ્તાનના અરશદ નદીમનો જ નહીં પરંતુ ભારતના નીરજ ચોપડા અને ગ્રેનાડાના એન્ડરસન પીટર્સનો પણ ડોપ ટેસ્ટ કરાવવામાં આવ્યો હતો. મેદાનમાં રહેતા જ તેમની તપાસનો રિપોર્ટ પણ આવી ગયો હતો. રિપોર્ટ પણ એકદમ ક્લીન આવ્યો છે. ગોલ્ડ જીતનાર અરશદ નદીમ અંગે સોશિયલ મીડિયામાં કરાતા દાવાઓ સાવ ખોટા છે.
મેડલ જીતનારા એથ્લીટ્સનો ડોપ ટેસ્ટ થવો કોઈ નવી વાત નથી. આવું માત્ર એ સુનિશ્ચિત કરવા માટે કરવામાં આવે છે કે તે એથ્લીટે કોઈ છેતરપિંડી તો નથી કરી. આવી સ્થિતિમાં અરશદ નદીમને નશીલા પદાર્થનું સેવન અથવા કોઈ અન્ય આરોપમાં દોષી ઠેરવવાનો દાવો બિલકુલ ખોટો છે. કારણ કે ડોપ ટેસ્ટ માત્ર પ્રોટોકોલ ફોલો કરવા માટે કરાવવામાં આવ્યો હતો, ના કે તેમને કોઈ શંકાસ્પદ સ્થિતિમાં જોવા મળવાના કારણે.