Payal Rohatgi ના આવતીકાલે લગ્ન, મેરેજ પહેલાં સોશિયલ મીડિયા પર વાયરલ થયા મહેંદી સેરેમનીના ફોટા
લગ્ન પહેલા સોશિયલ મીડિયામાં પાયલે પોતાના મહેંદી સેરેમનીના વીડિયો અને ફોટા શેર કર્યા છે.
પાયલ રોહતગી પોતાના લગ્ન માટે ખુબ ઉત્સાહિત જણાઈ રહી છે. જે તેના સોશિયલ મીડિયામાં શેર કરેલા ફોટા પરથી જોઈ શકાય છે.
આવતીકાલે આગ્રામાં પાયલ અને સંગ્રામ સિંહના લગ્ન યોજાશે. મહત્વનું છે કે બંને એકબીજાને લાંબા સમયથી ડેટ કરી રહ્યાં છે.
મહેંદી સેરેમનીની વાત કરવામાં આવે તો પાયલે બ્રાઈટ પિંક અને નારંગી રંગનો સલવાર ડ્રેસ પહેર્યો છે. જેની ચારેકોર બાંધણીની ડિઝાઈન છે.
મહેંદી લુકમાં પાયલ એકદમ ગોર્જ્યસ લાગી રહી છે. સોશિયલ મીડિયામાં તેણે પોતાના હાથ-પગમાં લગાવેલી મહેંદીના વીડિયો અને ફોટોઝ શેર કર્યા છે.
પાયલ અને સંગ્રામ સિંહ છેલ્લા 12 વર્ષથી રિલેશનશિપમાં છે. તેમણે 2014માં જ સગાઈ કરી લીધી હતી. એક ઈન્ટરવ્યુમાં સંગ્રામ સિંહે કહ્યું હતું કે તેઓ રાજસ્થાન અથવા પાયલના હોમટાઉન અમદાવાદમાં લગ્નનું પ્લાનિંગ કરી રહ્યાં છે.
જો કે લગ્ન માટે અમે આગ્રાને પસંદ કર્યું. આપને જણાવી દઈએ કે પાયલ અને સંગ્રામ સિંહ 14 જુલાઈના દિલ્લીમાં એક રિસેપ્શન પાર્ટી પણ રાખશે, જેમાં તેના મિત્રો અને સગા સંબંધી હાજર રહેશે.