અંબાણી પરિવારની વહુએ પોતાના જ પ્રી-વેડિંગમા પહેર્યો હોલિવુડ એક્ટ્રેસે પહેરેલો ડ્રેસ, લોકો નિરાશ થયા

રાધિકા પોતાની જ પાર્ટીમાં બાર્બી ડોલ જેવી લાગી રહી હતી. તેણે સુંદર ગાઉન પહેર્યો હતો. આકર્ષક સ્માઈલ સાથે રાધિકાના લુકે સૌને દિવાના કર્યા હતા. રાધિકાએ પિંક કલરનો ઓફ શોલ્ડર ગાઉન પહેર્યો હતો. ગાઉન પર ક્રિસટલ અને સ્ટોનનું બારીકાઈથી ડિટેઈલિંગ કરાયુ હતું. ગ્લોસી મેકઅપની સાથે તેણે વ્હાઈટ ડાયમંડ સેટ પસંદ કર્યો હતો. 

લોકોને આશા હતી કે, રાધિકા મર્ચન્ટ પોતાની પાર્ટીમાં કંઈક ખાસ પહેરશે. પરંતું આવુ ન થયું. રાધિકાએ એક હોલિવુડ અભિનેત્રીએ અગાઉ પહેરેલો ડ્રેસ કોપી કર્યો હતો. 

રાધિકાએ જે ડ્રેસ પહેર્યો હતો, તે ઓરિજિનલ નહિ, પંરતુ રિક્રિએટ કરાયેલો હતો. તેણે હોલિવુડ એક્ટ્રેસ બ્લેક લાઈવલની મેટ ગાલા 2022 નો લુકને રિક્રિએટ કર્યો હતો. આ કસ્ટમ મેડ ગાઉન હાલ વાયરલ થઈ રહ્યો છે. 

રાધિકાએ ફેશન આઈકન વર્સાચે ના Atelier Versace ના ડ્રેસને પહેર્યો હતો. હોલિવુડ એક્ટ્રેસે પણ આ જ ડિઝાઈનરના ડ્રેસને ગાલા કલેક્શનમાં પહેર્યો હતો. જેથી લોકો રાધિકાના લુકને કોપી ગણાવી રહ્યાં છે.