જિયો ગ્રાહકોની મોજ, 200 રૂપિયાથી ઓછી કિંમતમાં 28GB ડેટા, સાથે મળશે આ ફાયદા
રિલાયન્સ જિયો પોતાના ગ્રાહકો માટે સતત નવા પ્લાન અપટેડ કરતું રહે છે. કંપનીના પોર્ટફોલિયોમાં નાના-મોટા અનેક પ્રકારના પ્લાન છે, જેને લોકો પોતાની જરૂરીયાત પ્રમાણે રિચાર્જ કરાવે છે. જે લોકોને ઓછી કિંમતનો પ્લાન જોઈએ, તે સસ્તામાં પણ ઘણા બેનિફિટ મેળવી શકે છે.
આ વચ્ચે અમે તમને એક એવા પ્લાન વિશે જણાવી રહ્યાં છીએ જેની કિંમત માત્ર 198 રૂપિયા છે અને તેમાં ગ્રાહકોને ટ્રૂ અનલિમિટેડ 5જી ડેટાનું એક્સેસ આપવામાં આવે છે. આવો જાણીએ આ પ્લાનમાં ગ્રાહકોને કયા-કયા ફાયદા મળે છે.
જિયોના 198 રૂપિયાના પ્રીપેડ રિચાર્જ પ્લાન અનલિમિટેડ 5જી ડેટા એક્સેસની સાથે 14 દિવસની વેલિડિટી આપે છે. પ્લાનમાં દરરોજ 2જીબી ડેટા આપવામાં આવે છે.
તેનો મતલબ છે કે 198 રૂપિયાવાળા આ પ્લાનની સાથે કુલ 28જીબી ડેટા મળે છે. કોલિંગ તરીકે તેમાં અનલિમિટેડ કોલની સુવિધા મળે છે. સાથે દરરોજ 100SMS નો લાભ મળે છે.
આ બેસિક ફીચર્સ સિવાય ગ્રાહકોને આ પ્લાનમાં JioTV, JioCloud અને JioCinema નું સબ્સક્રિપ્શન આપવામાં આવશે.