Rohit Sharma: વર્લ્ડ રેકોર્ડ તોડવાની નજીક છે રોહિત, બની જશે વર્લ્ડ કપના સૌથી મહાન બેટ્સમેન!
રોહિત શર્મા આ ટૂર્નામેન્ટમાં ખૂબ જ સારા ફોર્મમાં જોવા મળી રહ્યો છે. અત્યાર સુધી રમાયેલી 8 મેચોમાં તેણે 55થી વધુની એવરેજથી 442 રન બનાવ્યા છે. તેણે પોતાના બેટથી સદી પણ ફટકારી છે. ટૂર્નામેન્ટમાં સૌથી વધુ રન બનાવનારા બેટ્સમેનોમાં તે પાંચમા સ્થાને છે.
રોહિત શર્મા વર્લ્ડ કપના ઈતિહાસમાં સૌથી વધુ સિક્સર મારનાર બેટ્સમેન બની શકે છે. તે તેનાથી માત્ર 5 સિક્સ દૂર છે. આ લિસ્ટમાં ટોપ પર વેસ્ટ ઈન્ડિઝના દિગ્ગજ ખેલાડી ક્રિસ ગેલ છે, જેણે આ ટૂર્નામેન્ટમાં 49 સિક્સર ફટકારી છે, જ્યારે રોહિતના નામે 45 છે.
રોહિત શર્મા નેધરલેન્ડ સામેની મેચમાં આ અદ્ભુત કામ કરી શકે છે. જે ઘાતક ફોર્મમાં રોહિત ચાલી રહ્યો છે. તેના માટે 5 સિક્સર મારવી કોઈ મોટી વાત નથી.
ટીમ ઈન્ડિયા છેલ્લા 10 વર્ષમાં એક પણ ICC ટ્રોફી જીતી શકી નથી. છેલ્લી વખત તેણે ચેમ્પિયન્સ ટ્રોફી 2013નો ખિતાબ મહેન્દ્ર સિંહ ધોનીની કપ્તાનીમાં જીત્યો હતો, જ્યારે 2011માં તેણે પોતાની ધરતી પર ODI વર્લ્ડ કપ જીત્યો હતો. આ વખતે ટીમે જે ફોર્મ બતાવ્યું છે. એવું લાગી રહ્યું છે કે ફરી એકવાર ભારત વર્લ્ડ કપ જીતી શકે છે.