એક એવા સંત જેમના નામે છે ઘણા વર્લ્ડ રેકોર્ડ, તસવીરોમાં નિહાળો પ્રમુખસ્વામી મહારાજની જીવનયાત્રા

PM નરેન્દ્ર મોદી આજે જાણીતા આધ્યાત્મિક નેતા પ્રમુખસ્વામી મહારાજના જન્મ શતાબ્દી સમારોહનું ઉદ્ઘાટન કર્યું, આ સમારોહનું આયોજન અમદાવાદમાં 15 ડિસેમ્બરથી 15 જાન્યુઆરી સુધી કરવામાં આવી રહ્યું છે, જેના માટે લગભગ 600 એકરમાં સ્વામી નગર બનાવવામાં આવ્યું છે. આ તસવીર વર્ષ 1939ની છે જ્યારે સ્વામી પ્રમુખજીએ અમદાવાદમાં બ્રહ્મસ્વરૂપ શાસ્ત્રીજી મહારાજ પાસેથી પાર્ષદી દીક્ષા લીધી હતી.  

1971 માં પ્રમુખ સ્વામીને બોચાસણવાસી અક્ષર પુરુષોત્તમ સ્વામિનારાયણ સંસ્થા (BAPS) ના આધ્યાત્મિક વડા બનાવવામાં આવ્યા હતા. સ્વયંસેકારી ખાતે પ્રથમ શિખર ધરાવતું મંદિર પ્રથમ મંદિર હતું. જેનું તેમણે ઉદ્ઘાટન કર્યું હતું, ત્યારબાદ તેમણે સમગ્ર વિશ્વમાં 1100 BAPS મંદિરોનું નિર્માણ કર્યું હતું.

પ્રસિદ્ધ આધ્યાત્મિક નેતા પ્રમુખસ્વામી મહારાજે ઘણી વખત વિદેશ પ્રવાસ કર્યો હતો. અમેરિકી મહાદ્ધીપમાં પોતાની પ્રથમ મુલાકાત દરમિયાન તેમને ઘણી જગ્યાએ 'કી ટુ ધ સિટી'થી નવાજવામાં આવ્યા હતા. સૌપ્રથમ BAPS મંદિરનું નિર્માણ અમેરિકાના ન્યુયોર્કમાં થયું હતું. આ પછી આગામી ચાર દાયકામાં અમેરિકામાં 70 થી વધુ મંદિરો બનાવવામાં આવ્યા.  

વેટિકન સિટીમાં તેઓ ખ્રિસ્તી ધર્મના વડા પોપ જોન પોલ II ને મળ્યા. તેમણે સમાજને વ્યસન મુક્તિ માટે અભિયાન ચલાવ્યું અને 6 લાખ 30 હજારથી વધુ લોકોને નશામુક્ત બનાવ્યા. પ્રમુખ સ્વામીજીએ લંડનમાં BAPSનું ભવ્ય મંદિર બનાવ્યું, જે વિશ્વની આઠમી અજાયબી તરીકે જાણીતું છે. આ મંદિર વિદેશમાં ભારતીય સંસ્કૃતિનો મહિમા જણાવે છે. અમદાવાદ અને દિલ્હીમાં બનેલ અક્ષરધામ મંદિર પણ તેમનું પ્રદાન છે.  

પૂજનીય સંતનું નામ ગિનીસ બુક ઓફ વર્લ્ડ રેકોર્ડમાં પણ નોંધાયેલું છે. આમાં દિલ્હીમાં વિશ્નનું સૌથી મોટું હિન્દુ મંદિર અક્ષરધામ અને પાંચ મહાદ્રીયોમાં 1971 થી 2007 સુધી 713 મંદિરો બનાવવાનો રેકોર્ડ છે. આ સિવાય લંડનમાં દોઢ એકર જમીન પર સ્થાપિત હિંદુ મંદિર જે ભારત બહાર સૌથી મોટા મંદિર હોવાનો રેકોર્ડ પણ ધરાવે છે.  

પરમ પૂજ્ય પ્રમુખસ્વામી મહારાજનું 13 ઓગસ્ટ 2016ના રોજ સારંગપુર ખાતે નિધન થયું હતું. સ્વામિનારાયણ મંદિર સારંગપુરમાં દેશ-દુનિયાના મોટા લોકો તેમના દર્શન કરવા પહોંચ્યા હતા.