જાડેજા નહીં પણ આ ખેલાડી બનશે CSK નો કેપ્ટન! ધોનીનો છે એકદમ ખાસ

અંબાતી રાયડુના મતે ઓપનિંગ બેટ્સમેન ઋતુરાજ ગાયકવાડ ચેન્નાઈ સુપર કિંગ્સ (CSK)નો આગામી કેપ્ટન બની શકે છે. રુતુરાજ ગાયકવાડ છેલ્લા કેટલાક સમયથી CSKના સૌથી મહત્વપૂર્ણ ખેલાડીઓમાંથી એક છે.

અંબાતી રાયડુએ બિહાઈન્ડવુડ્સટીવીની યુટ્યુબ ચેનલ પર એક નિવેદનમાં કહ્યું, 'ભવિષ્ય વિશે વાત કરતાં, મને લાગે છે કે ઋતુરાજ યોગ્ય પસંદગી હોઈ શકે છે. તેની પાસે કેપ્ટન બનવાની ક્ષમતા છે. ઋતુરાજ CSKનો નવો કેપ્ટન બની શકે છે. તે પ્રતિભાશાળી ખેલાડી છે.

અંબાતી રાયડુનું માનવું છે કે ઋતુરાજ ગાયકવાડ પાસે એક દાયકાથી વધુ સમય સુધી ચેન્નાઈની ટીમનું નેતૃત્વ કરવાની શાનદાર તક છે.

ઋતુરાજ ગાયકવાડને ચીનમાં યોજાનારી એશિયન ગેમ્સ 2023 માટે ભારતીય ટીમનો કેપ્ટન પણ બનાવવામાં આવ્યો છે. અંબાતી રાયડુ માને છે કે ગાયકવાડ ત્રણેય ફોર્મેટમાં ટીમ ઈન્ડિયાનો ભાગ હોવો જોઈએ.

ઋતુરાજ ગાયકવાડે ટીમ ઈન્ડિયા માટે અત્યાર સુધી 1 ODI અને 9 T20 મેચ રમી છે. તેણે વનડેમાં 19 રન અને ટી20માં 16.88ની એવરેજથી 135 રન બનાવ્યા છે, જેમાં 1 અડધી સદીનો સમાવેશ થાય છે.