કોહલીના વિવાદ વચ્ચે રોહિતે ખોલી શેમ્પેઈનની બોટલ! મોજમાં આવી ગયા બધા ખેલાડીઓ, જુઓ તસવીરો

ભારત અને ઈંગ્લેન્ડ વચ્ચે રમાયેલી વનડે સિરીઝમાં ભારતે 2-1થી માત આપી જીત મેળવી. આ નિમિત્તે ભારતીય ટીમે ભારે ઉત્સાહ સાથે જીતનો જશ્ન મનાવ્યો. કેપ્ટન રોહિતે સિરીઝ જીતતા યુવા બોલર અર્શદીપ સિંહને ટ્રોફી ઉઠાવવાનો મોકો આપ્યો. 

મેચના હિરો રહેલા ઋષભ પંતે રોહિત શર્મા પર શેમ્પેઈન ઉડાવી મજા માણી.

સિરીઝ જીત્યા બાદ ખેલાડીઓએ ભારે ઉત્સાહ સાથે ઉજવણી કરી. કેપ્ટન રોહિત શર્મા શેમ્પેઈનની બોટલ સાથે મસ્તી કરતા જોવા મળ્યો.

ટીમ ઈન્ડિયાના આ સેલિબ્રેશનમાં પૂર્વ કેપ્ટન વિરાટ કોહલી પણ પાછળ નથી રહ્યો. તેણે મોટી બોટલ ઉપાડીને ખેલાડીઓને નવડાવતો જોવો મળ્યો. આ મજા શિખર ધવન અને સૂર્યકુમાર યાદવે શરૂ કરી હતી.

ટીમ ઈન્ડિયાએ છેલ્લી મેચ 5 વિકેટથી જીતીને શ્રેણી 2-1થી જીતી લીધી હતી. ટીમ ઈન્ડિયાએ ઈંગ્લેન્ડની ધરતી પર 8 વર્ષ બાદ ODI સિરીઝ જીતી હતી, જ્યારે 39 વર્ષે માન્ચેસ્ટરના ઓલ્ડ ટ્રેફર્ડ મેદાન પર ઈંગ્લેન્ડને હરાવ્યું હતું. તેથી ભારતીય ટીમે શાનદાર અંદાજમાં ઉજવણી કરી.

ટીમ ઈન્ડિયાનો છેલ્લો મેચમાં જીતવા માટે 260 રનનો ટાર્ગેટ મળ્યો હતો. આ લક્ષ્યનો પીછો કરતા હાર્દિક પંડ્યાએ 71 રન અને રિષભ પંતે અણનમ 125 રન બનાવી ટીમ ઈન્ડિયાને જીત અપાવી હતી.