સ્કર્ટ અને હીલ પહેરીને ગામ આખામાં ફરે છે આ એન્જિનિયર, સ્ત્રીઓને પણ આવે છે ઈર્ષ્યા

માર્ક કહે છે કે, તેમના પહેરવેશને જોઈને લોકો તેમના જેન્ડરને લઈને અનેક સવાલ કરે છે. તો તેઓને ગુસ્સો પણ આવે છે. તેઓ કહે છે કે, શું કોઈ વ્યક્તિ પોતાની મરજીથી નિર્ણય પણ લઈ શક્તો નથી. 

સમાજમાં કપડાને લઈને એક મેન્ટાલિટી સેટ થયેલી છે. જેને માર્ક બદલવા માંગે છે. માર્ક સમાજમાં ફેલાયેલી આ અવધારણાને બદલવા માંગે છે. તેઓ સાબિત કરવા માંગે છે કે, કપડા કોઈ જેન્ડર નથી હોતું. વ્યક્તિ ભલે કોઈ પણ હોય, તે પોતાની પસંદગીના કપડા પહેરી શકે છે. 

માર્કના આ વિચારોને તેમના પરિવારનો પૂરતો સપોર્ટ મળે છે. તેમને એક દીકરો અને બે દીકરીઓ છે. જેઓને પણ પિતાની આ સ્ટાઈલ બહુ જ પસંદ છે. એટલુ જ નહિ, તેમની પત્નીને પણ પતિની આ સ્ટાઈલ ગમે છે.

ગત 4 વર્ષોથી માર્ક આ પ્રકારના કપડા પહેરે છે. વર્ક પ્લેસ હોય કે બહાર કોઈ કામથી જવાનું હોય, તેઓ સ્કર્ટ અને હીલ્સ પહેરતા જ જોવા મળે છે. 

એવુ પણ નથી કે માર્કને પુરુષોના કપડા ગમતા નથી. તેઓ મોટાભાગે ઓફિસમાં મેન્સ શર્ટની સાથે જ સ્કર્ટ અને શર્ટના મેચિંગ ફુટવેર પહેરવાનું પસંદ કરે છે. માર્ક પોતાના સ્ટાઈલિશ ફોટો સોશિયલ મીડિયા પર શેર કરતા રહે છે, જેથી લોકોમાં પણ અવેરનેસ આવે. તેમનો આ પહેરવેશ ઈન્ટરનેટ પર બહુ જ પોપ્યુલર પણ છે.