Superfast Charging Electric Car: માત્ર 10 મિનિટમાં ફુલ ચાર્જ થશે આ કાર, 1000 કિમીની મળશે ડ્રાઈવિંગ રેન્જ

GACનું કહેવું છે કે તેના પાસે 3C અને 6C વર્ઝન છે, જે બેટરીને એકદમ ઝડપથી ચાર્જ કરે છે. કંપનીનો દાવો છે કે 3C ફાસ્ટ ચાર્જરથી કાર ન માત્ર 16 મિનિટમાં 0-80 ટકા ચાર્જ થઈ જશે. પરંતુ 30-80 ટકા ચાર્જ થવામાં તેને માત્ર 10 મિનિટનો સમય લાગશે. 

જ્યારે 6C ચાર્જરમાં માત્ર 8 મિનિટમાં 0-80 ટકા બેટરી ચાર્જ થઈ જાય છે. 30-80 ટકા ચાર્જ થવામાં માત્ર 5 મિનિટનો સમય લાગે છે. જ્યારે ફુલ ચાર્જ થવા પર માત્ર 10 મિનિટનો સમય લાગે છે. 

ફાસ્ટ ચાર્જિંગથી બેટરી ખરાબ થવાનો દાવો પણ કંપનીએ ફગાવ્યો છે. કંપનીનું કહેવું છે કે કારને 1 લાખ કિલોમીટર ચલાવ્યા બાદ પણ બેટરીને કોઈ નુકસાન થતું નથી.

કંપનીનો દાવો છે કે તેની ગ્રેફીન બેટરી ટેક્નોલોજીને કારણે તેની Aion V SUVની રેન્જ 1000 કિલોમીટર સુધીની છે. જે અત્યારે મળતી તમામ ઈલેક્ટ્રીક કારો કરતા સૌથી વધુ છે. આશા રાખવામાં આવી રહી છે કે આ SUVને સપ્ટેમ્બર સુધીમાં લોન્ચ કરવામાં આવી શકે છે.

ચીનની કંપની Guangzhou Automobile Corporationએ હાલમાં પોતાની ઈલેક્ટ્રીક કાર Aion Vને લોન્ચ કરી છે. આ કાર માટે કહેવામાં આવ્યું છે કે આમાં ગ્રેફીન બેટરી ટેક્નોલોજીનો ઉપયોગ કરવામાં આવ્યો છે. જે કારને માત્ર 8 મિનિટમાં 80 ટકા સુધી ચાર્જ કરી દે છે. એટલે કે પેટ્રોલ પંપ પર પેટ્રોલ ભરાવતા જેટલો સમય લાગે છે, તેટલો જ સમય કારને ચાર્જ થવામાં લાગશે.