Man Marry Two women: ત્રણ વર્ષ લિવ ઇનમાં રહ્યો, બાળકો થયા, હવે બે મહિલાઓ સાથે કર્યાં લગ્ન
ગુરૂવારની સવારે લગ્ન થવાના હતા, પરંતુ લગ્નના સમાચાર ફેલાતા ત્રણ પરિવારોમાં હડકંપ મચી ગયો. તેથી કોઈ પ્રકારની મુશ્કેલીથી બચવા માટે લગ્ન નક્કી સમય પહેલાં કરી લેવામાં આવ્યા.
રિપોર્ટ અનુસાર યેરાબોરૂ ગામના એમ સત્તીબાબૂ બે અલગ-અલગ ગામોની સ્વપ્ના અને સુનીતાને પ્રેમ કરતો હતો. સુનીતાએ એક બાળકને જન્મ આપ્યો અને સ્વપ્નાએ એક બાળકીને જન્મ આપ્યો. લગ્નને લઈને બે મહિલાઓના પરિવારોમાં મારપીટ પણ થઈ હતી.
પરંતુ સત્તીબાબૂએ તેને મનાવી લીધા હતા કે તે બંને સાથે લગ્ન કરશે. તેણે બંને દુલ્હનોના નામવાળા લગ્ન કાર્ડ પણ છપાવી લીધા હતા.
આ નિમંત્રણ વાયરલ થઈ ગયું અને કેટલાક મીડિયાકર્મી ગામમાં પહોંચી ગયા હતા. તેનાથી ત્રણેય પરિવારોમાં તે ડર પેદા થઈ ગયો હતો કે અધિકારી આ લગ્ન રોકી શકે છે. તેમણે નક્કી સમયની કેટલીક કલાકો પહેલાં લગ્ન કરવાનો નિર્ણય કર્યો હતો.
એવું કહેવામાં આવે છે કે કેટલાક આદિવાસી સમુદાયમાં, એક સમયે બે મહિલાઓ સાથે લગ્ન કરનાર વ્યક્તિ સ્વીકાર્ય છે. વર્ષ 2021માં તેલંગણાના આદિલાબાદ જિલ્લામાં એક આદિવાસી વ્યક્તિએ પોતાની માસીની બે પુત્રીઓ સાથે લગ્ન કર્યાં હતા.
(ઇનપુટ-IANS)