ભગવાન શિવે કેમ 1 કરોડ દેવતાઓને આપ્યો હતો પથ્થર બનવાનો શ્રાપ? ભારતના રહસ્યમય મંદિર વિશે જાણો

અમે જે મંદિરની વાત કરી રહ્યા છીએ તે ત્રિપુરાની રાજધાની અગરતલા પાસે છે. આ મંદિરનું નામ ઉનાકોટી છે. આજે પણ વૈજ્ઞાનિકો આ મંદિરનું રહસ્ય ઉકેલી શક્યા નથી, મંદિરમાં એક કરોડથી ઓછી મૂર્તિ કેમ છે? મૂર્તિઓની રહસ્યમય સંખ્યાને કારણે તેનું નામ ઉનાકોટી પડ્યું છે. તેનો અર્થ એક કરોડ કરતા ઓછો છે.

આ મંદિર ખૂબ જ ખાસ છે. ઉનાકોટી મંદિર અગરતલાથી લગભગ 145 કિલોમીટર દૂર આવેલું છે. આજ સુધી આ 99 લાખ 99 હજાર 999 પથ્થરની મૂર્તિઓનું રહસ્ય ઉકેલાયું નથી. આજ સુધી એ પણ જાણી શકાયું નથી કે આ મૂર્તિઓ કોણે અને શા માટે બનાવી? આ સિવાય આ મૂર્તિઓ ક્યારે બની હતી તે પણ જાણી શકાયું નથી.

આ મંદિર સાથે જોડાયેલી ઘણી પૌરાણિક કથાઓ છે. મંદિરમાં પથ્થરોમાંથી શિલ્પો કોતરવામાં આવ્યા છે. પૌરાણિક કથા અનુસાર, એકવાર ભગવાન શંકર સહિત એક કરોડ દેવી-દેવતાઓ તેમની સાથે ક્યાંક જઈ રહ્યા હતા. આ દરમિયાન અહીં રાત્રી હોવાથી તમામ લોકો ઉનાકોટીમાં આરામ કરવા લાગ્યા હતા. જો કે, ભગવાન શંકરે તમામ દેવતાઓને કહ્યું હતું કે આ સ્થાન સૂર્યોદય પહેલા છોડી દેવું પડશે. પરંતુ સૂર્યોદય સમયે માત્ર ભગવાન શિવ જ જાગી શકતા હતા અને અન્ય તમામ દેવતાઓ સૂતા હતા. આ જોઈને ભગવાન શિવ ક્રોધિત થઈ ગયા અને બધા દેવતાઓને શ્રાપ આપીને તેમને પથ્થર બનાવી દીધા.

આ મંદિર વિશે બીજી દંતકથા સાંભળવા મળે છે. કાલુ નામનો કારીગર ભગવાન શંકર અને માતા પાર્વતી સાથે કૈલાસ પર્વત પર જવા માંગતો હતો. કારીગરના આગ્રહને કારણે ભગવાન શંકરે તેમને રાતોરાત એક કરોડ દેવી-દેવતાઓની મૂર્તિઓ બનાવવાનું કહ્યું હતું. કારીગર આખી રાત મૂર્તિઓ બનાવતો રહ્યો, પરંતુ સવારે ગણતરીમાં એક મૂર્તિ ઓછી નીકળી. આ કારણથી ભગવાન શિવ તે કારીગરને પોતાની સાથે લઈ ગયા ન હતા.

ઉનાકોટી મંદિર પહાડી વિસ્તારમાં આવેલું છે. તેની ચારે બાજુ ગાઢ જંગલો છે. આ એક ભેજવાળો વિસ્તાર છે. આજ સુધી એ જાણી શકાયું નથી કે જંગલની વચ્ચે લાખો મૂર્તિઓ કેવી રીતે બનાવવામાં આવી. આટલી બધી મૂર્તિઓ બનાવવી હોત તો વર્ષો વીતી ગયા હોત. આ સિવાય અહી આજુબાજુના સ્વેમ્પને કારણે કોઈ રહેતુ પણ ન હતું.