મોરબીના યુવાનમાં તિરંગા પ્રત્યે અનોખો પ્રેમ: દિવાસળીમાં અંકિત કર્યો લોગો, અડધા ઈંચનો બનાવ્યો `નેનો તિરંગો`

આઝાદી કા અમૃત મહોત્સવ અંતર્ગત હર ઘર તિરંગા અભિયાન કેન્દ્ર સરકાર દ્વારા હાથ ધરવામાં આવ્યું છે અને દેશના દરેક નાગરિકે દેશની સાથે સીધા જ જોડાવા માટેનો પ્રયાસ કરવામાં આવેલ છે. ત્યારે લોકો પોતાના ઘર, દુકાન અને કારખાના ઉપર તિરંગા લહેરાવવી રહ્યા છે.  

ઘણી સંસ્થાઓ દ્વારા લોકોને વિનામુલ્યે તિરંગા આપવામાં આવી રહ્યા છે, ત્યારે મોરબીમાં તખ્તસિંહજી રોડ ઉપર આવેલ કુંભાર શેરીમાં રહેતા યુવા કલાકાર નીતિનભાઈ પ્રજાપતિએ દીવાસળીમાં હર ઘર તિરંગાનો લોગો અંકિત કરેલ છે.

માત્ર અડધા ઇંચના લાકડામાં આબેહૂબ રાષ્ટ્રધ્વજ બનાવ્યો છે. જેથી કરીને આ યુવા કલાકારની કારીગીરીને જોઈને લોકો પણ તેની કલા કારીગીરીની પ્રશંસા કરી રહ્યા છે.