Upcoming Bollywood Movies: માત્ર પઠાણ જ નહીં, આ 5 ફિલ્મો 2023માં મચાવી શકે છે ધમાલ
પઠાણ બાદ શાહરૂખ ખાન જવાન બનશે. હકીકતમાં શાહરૂખ 5 મહિના બાદ પોતાની વધુ એક ફિલ્મ જવાનની સાથે દર્શકોની સામે આવશે. આ ફિલ્મમાં પણ શાહરૂખ તમને ભરપૂર એક્શન કરતો જોવા મળશે. ફિલ્મ 2 જૂને રિલીઝ થશે. આ ફિલ્મમાં નયનતારા અને વિજય સેથુપથી મુખ્ય ભૂમિકામાં છે.
રણબીર કપૂર અને શ્રદ્ધા કપૂર પહેલીવાર સિલ્વર સ્ક્રીનની સાથે જોવા મળશે. આ એક રોમેન્ટિક કોમેડી ફિલ્મ છે જેના ડાયરેક્ટર લવ રંજન છે. ફિલ્મ 8 માર્ચે રિલીઝ થશે. ફિલ્મનું ટ્રેલર ફેન્સને ખુબ પસંદ આવી રહ્યું છે.
ભાઈજાનનો જાદૂ છેલ્લા કેટલાક વર્ષોથી બોક્સ ઓફિસ પર કોઈ ખાસ કરિશ્મા કરી શક્યો નથી. તેવામાં મોસ્ટ અવેટેડ ફિલ્મ ટાઇગર 3 પાસે ઘણી આશા છે. આ ફિલ્મમાં લાંબા સમય બાદ સલમાન અને કેટરીનાની જોડી જોવા મળશે. ફિલ્મ 10 નવેમ્બરે રિલીઝ થવાની છે.
રોહિત ધવનની ફિલ્મ શહઝાદા 10 ફેબ્રુઆરીએ દર્શકોની સામે આવશે. એક્ટર કાર્તિક આર્યન, પરેશ રાવલ, કૃતિ સેનન અને મનીષા કોઇરાલા મેન રોલમાં છે. જો આ ફિલ્મની વાત કરીએ તો દર્શકો આ ફિલ્મની રાહ જોઈ રહ્યાં છે. કાર્તિક આર્યનની ફિલ્મ ભૂલ-ભૂલૈયા 2 એ 2022માં દર્શકોને ખુબ હસાવ્યા હતા અને ફિલ્મએ સારો બિઝનેસ કર્યો હતો.
સાઉથના સુપરસ્ટાર બાહુબલી પ્રભાસ પણ આ વર્ષે પોતાના ડ્રીમ પ્રોજેક્ટ આદિપુરૂષની સાથે દર્શકોની સામે આવી શકે છે. આ ફિલ્મમાં પ્રભાસની સાથે સૈફ અલી ખાન પણ જોવા મળશે. કૃતિ સેનન પણ પ્રભાસની સાથે જોવા મળશે.